HARURUAR 19:22 - BIBEL JAMITA NA DENGGAN

²² Salang angka malim na giot mandonohi Au pe, angkon paiasonna do dirina; anggo nada songon i, hona uhum do halahi.”

HARURUAR 19:22 Referans Kwoze

HARURUAR 24:5

Dung i disuru si Musa ma angka doli-doli jana dipasahat halahi ma haul na nitutung tu Tuhan jana disambol halahi ma angka lombu songon haul pardonganan.

BAENON NI ANGKA RASUL 5:10

Laing manigor santongkin i tinggang ma dadaboru ni si Ananias i lalu mate di jolo ni si Petrus. Jadi di na masuk angka doli-doli i, ma mate ia didapot halahi. Dung i ditaruhon halahi muse ma ia tu balian, jana ditanom halahi di lambung ni halaklahinia i.

BAENON NI ANGKA RASUL 5:5

Disi dibege si Ananias hata i, tinggang ma ia lalu mate. Gabe mabiar ma sudena halak na umbege na masa i.

JESAYA 52:11

Mandao ma ho, mandao ma ho! Ruar ma ho sian i! Ulang ho dais tu na hodar! Ruar ma ho sian tonga-tonga ni halahi, paias ma dirimu, ale hamu na maroban parkokas ni Bagas Ni Tuhan.

2 JUJUR TAON 30:15

Di tanggal opat bolas bulan i disambol halahi ma angka biri-biri sihaulkonon gabe haul Paskah. Angka malim dohot halak Levi na hodar dope gabe maila situtu ma. Mangias diri ma halahi anso bolas dohot manghaulkon haul situtungon di Bagas Ni Debata.

1 JUJUR TAON 15:13

Di na dipapinda parjolo situtu Poti i, nada adong sian hamu na ro, jadi hara ni i, diuhumi Tuhan Debatanta hita, angke tabaen antong ibadat na so cocok tu na nihagiotanNia.”

HARURUAR 19:5

Saonnari, muda ra do hamu mangoloi na Hudok jana ingot rohamunu tu parjanjianKu, baenonKu ma hamu gabe bangso, hapunjunganKu sandiri. Au do nian nampuna tano on sudena,

HARURUAR 19:24

Dialusi Tuhan ma, “Manuat ma ho, jana ulahi ro tuson rap dohot si Harun. Tapi anggo angka malim dohot rayat i sudena, nada tola salpuanna batas i anso ro tu Au. Muda dilanggar halahi batas i, niuhuman ma halahi.”

HAMALIMON 21:6

Au do nampuna jana mamili ia, hara ni i nada tola palayasonnia goarKu. Ia do na pasahatkon sipanganon di Au, hara ni i angkon badia do ia.

BILANGAN 11:18

Pabolkas ma saonnari tu bangso i, ‘Paias hamu ma dirimunu ancogot, anso mangan juhut hamu. Madung dibege Tuhan partangisan dohot ungut-ungutmunu, na malungun hamu mangan juhut, jana na dumenggan dihilala hamu ngolumunu tingki di Mesir. Saonnari lehenon ni Tuhan ma juhut di hamu, jana angkon panganonmunu i.