HARURUAR 19:15 - BIBEL JAMITA NA DENGGAN

¹⁵ Jana didok si Musa ma tu halahi, “Angkon hobas do hamu haduan jana ulang hamu marcampur sahatiha on.”

HARURUAR 19:15 Referans Kwoze

1 KORINTUS 7:5

Ulang ma marsipadaoan halak na saripe, muda so sian tumbuk ni tahi sanga sadia lolotna, anso bisa hamu rap martangiang. Dung i mardomu ma hamu mangulahi, anso unang diuji Sibolis hamu, harana nada tahan hamu marpuaso.

HARURUAR 19:11

Haduan, angkon hobas ma halahi sude. Di ari i ma Au mijur di ginjang ni Dolok Sinai, anso disi tarbaen halahi sude marnida Au.

JOEL 2:16

Palagut ma sandok bangso i, parade ma tu parpunguan godang halahi. Oban muse ma angka na tobang-tobang, angka dakdanak maradu na niompaan. Na baru tu bagasna pe sude na mardohotan. Suru halahi manadingkon bagasna.

MATEUS 24:44

Hara ni i, angkon tongtong do hamu hobas. Angke ro ma Anak Ni Jolma i, di hatiha na so pamotoanmunu do Ia ro.”

MALEAKI 3:2

Tapi ise ma he na tahan di ari haroroNa i? Jana ise ma na tahan jongjong hatiha dipataridahon Ia diriNa? Angke songon api ni panopa do Ia, jana songon sabun ni panyabun.

ZAKARIA 7:3

Laing disuru do halahi marsapa tu angka malim dohot panurirang, songon on, “Angkon tangis dope he hami jana puaso ganop di bulan palimahon songon na dung hami dalankon martaon-taon honokna?”

ZAKARIA 6:3

na patoluhon kudo na bontar jana na paopatkon kudo sibolang.

AMOS 4:12

Hara ni i, ale halak Israel, uhumanKu ma hamu. Antong marhobas ma hamu mangadopi uhumanKu!”

HARURUAR 19:16

Di ari patoluhon, ro ma ronggur dohot hilap. Tarida ma ombun na hapal di ginjang ni dolok i jana habegean ma sora ni sarune na lobi gogo. Humitir ma sude halak na di bandar hara ni biarna.

HARURUAR 19:14

Dung i manuat ma si Musa sian dolok i, jana ditonahon ia ma tu bangso i anso marhobas laho maribadat. Marsibasu pakeanna ma halahi.

1 JUJUR TAON 15:12

Didok si Daud ma tu halahi, “Hamu do pamimpin ni angka halak Levi marhorong-horong. Jadi hara ni i, jolo paias hamu ma dirimunu rap dohot halak Levi na deba nari anso tarbaen hamu paimbarkon Poti Parjanjian ni Tuhan, Debata ni Israel i, tu inganan na huparade i.

HAMALIMON 15:18

Muda dung marcampur halaklahi dohot dadaboru, angkon maridi do, tapi laing ramun do halahi lalu tu andospotang.