HARURUAR 16:15 - BIBEL JAMITA NA DENGGAN

¹⁵ Di na diida ni halak Israel i, nada diboto halahi sanga aha i, jana marsisapaan ma halahi sama halahi, “Aha do i?” Dung i didok si Musa ma tu halahi, “On ma da roti sipanganon na nilehen ni Tuhan di hamu.

HARURUAR 16:15 Referans Kwoze

HARURUAR 16:4

Didok Tuhan ma, “Giot paroonKu ma saonnari sipanganon marlobi-lobi songon udan di hamu sudena. Ganop ari angkon papunguonmunu do sipanganon tuk balanjo sadari. Songon i ma baenonKu manguji bangsongKu anso tarboto sanga na ra do halahi mangoloi angka na Huparentahon.

JOHANNES 6:58

On do roti na mijur sian banua ginjang i: Nada sarupa sipanganon on dohot sipanganon na nipangan ni ompumunu. Angke dung dipangan halahi sipanganon i, laing mate do halahi. Tapi anggo na mangan sipanganon on, mangolu do salolotna.”

HARURUAR 16:31

Dung i digoari halak Israel ma panganon i “manna”. Pangalahona songon parbatu na menek, tompana bontar, daina songon roti mardongan aer ni loba.

PANGARATAION 8:3

Dipadiar Ia hamu tangkuraparon, dung i dilehen Ia tu hamu manna baen panganon, i ma sipanganon na so jungada hian dope dipangan hamu sanga ompumunu. Na mangajari hamu do umbaen dipatupa Tuhan songon i bahaso nada hum sian roti sajo jolma mangolu, tapi sian sude na nidok ni Tuhan.

1 KORINTUS 10:3

Rap sipanganon partondion do dipangan halahi,

NEHEMIA 9:20

Marhite kuasoMu na denggan i, diajar Ho do halahi. Mangan manna halahi jana minum aek tuk disi.

NEHEMIA 9:15

Dompak male jana hurang mangan halahi, dipaijur Ho do roti sian langit i. Jana sian batu na himpal, na gogo jana na koras, dipadalan Ho aek na pasombu nguas maradu doras. Disuru Ho do halahi mangingani tano, na nijanjihonMu tu halahi mardongan sumpa.

JOSUA 5:12

Laing di na sadari i ma nada mangan manna be halak Israel, dibaen nada adong be dipaijur sian langit. Jana mamungka sian hatiha i, hasil ni tano Kanaan noma dipangan halahi.

JOHANNES 6:49

Mangan manna do angka ompumunu di halongonan hape laing marmatean do halahi.

PANGARATAION 8:16

Di parhorsihan i dilehen Ia do manna gabe sipanganonmunu, i ma sipanganon na so jungada humani dope dipangan ompumunu di jolo ni i. Diparo Ia angka hamaolon tu dirimunu laho manguji hamu anso di ujungna tarbaen Ia mamasumasu hamu dohot rasoki.

BILANGAN 21:5

gabe marungut-ungut ma halahi tu Debata dohot tu si Musa. Ninna halahi ma, “Biasi obanonmu hami haruar sian Mesir, anso bunuonmu hami di parhorsihan on, so adong panganon dison, aek pe nada adong. Gialan hami hara ni panganon na so mardai on!”

HARURUAR 16:33

Didokkon si Musa ma tu si Harun, “Buat jolo sada gunci, pamasuk ma dua liter manna i tu bagasan, jana payakkon ma i di inganan parmianan ni Tuhan simpanonta di angka pomparanta.”

HALUMBAAN 2:17

Ditangihon na marpinggol i ma na nidok ni Tondi i tu angka parlagutan i. Di na monang i do lehenonKu mangan sian manna na buni, jana lehenonKu ma disia batu na bontar. Niuhir do di batu i sada goar na imbaru na so binoto ni sanga ise pe asing sian halak na manjagit i.”

IBRANI 9:4

Di balik ni i adong do sada inganan na nibaen sian sere laho manutung hamonyan jana adong muse Poti Parjanjian na nilampis sudena dohot sere. Di bagasan poti i adong do sada mangkuk sere na marisi manna, tungkot ni si Harun na dung martunas dohot duangkoping batu tulis panyuratan ni Tona Na Sampulu i na sian Debata.

LUKAS 12:30

Halak na so mananda Debata do na tongtong parayakkon angka na songon i.) Diboto Amangmunu i do na porlu di hamu angka na songon i.

PODA 9:5

“Ro ma mandai panganonku dohot mangarasoi anggur na dung huramu.

MASMUR 78:24

Dipaijur Ia roti sian banua ginjang, i ma manna di halahi na gabe sipanganon.

MASMUR 105:40

Mangido halahi gabe disuru Ia angka unggas marroan, dipangan halahi sipanganon banua ginjang lopus butongan.