HARURUAR 15:8 - BIBEL JAMITA NA DENGGAN

⁸ Diombus Ho do laut i, jana marbalun songon dolok na gincat; jongjong tingkos songon panambok; gabe pir tandolan ni laut i.

HARURUAR 15:8 Referans Kwoze

JOB 4:9

‘Songon haba-haba na gogo i do Debata; mangabisi halahi lopus soada!’

MASMUR 78:13

Dibola Ia laut i, jana dipataripar Ia halahi; ditembok Ia aek i, songon tembok.

2 TESSALONIKA 2:8

disi pe anso tarida Jolma Na Jahat i. Jadi bunuon ni Tuhan Jesus ma Jolma Na Jahat i dohot hosa na sian pamangan ni Tuhan Jesus sandiri. Jana roncohononNia ma i dohot sinondang ni haroroNia.

HABAKUK 3:10

Hum mangida Ho munggal-unggal ma angka dolok sian langit udan songon na durus dibaen por. Aek na di toru ni tano gumadobur sorana ombakna i marbalun-balun jana manggasa-gasa.

JESAYA 11:4

Markite-hite hatigoran do ditimbang ia parkaro ni halak na pogos; diondihon ia hak ni halak na gale lopus dapot, halak parsala diuhumi hara ni parentania, halak na jahat dipusa ia.

2 SAMUEL 22:16

Dung i haidaan ma tandolan ni laut i jana mungkap ma ojahan ni portibi, di na mangogar Tuhan tu musuNa jana manggora tu halahi dohot rimasNa.

JESAYA 37:7

BaenonKu ma raja Asur umbege sada barita na mambaen ia gabe mulak tu tanonia sandiri jana hona bunu ma ia disi.”

HARURUAR 14:29

Hape di na taripar halak Israel di laut i, mardalan di tano na mahiang do halahi, martembok aek di siamun siambirangna.

JOSUA 3:13

Disi naron didegehon angka malim na mamorsan Poti Parjanjian ni Tuhan i patna tu bagasan aek di Batang aek Jordan i, magotap ma pardalan ni aek i, jana tartembok ma aek na ro sian julu di sada inganan.”

MASMUR 33:7

Sude aek laut dipalagut Ia di sada inganan, ditahan Ia laut na bidang anso ulang jabat marlobian.

HABAKUK 3:15

Didege-dege Ho do laut marhite kudo gabe mamontar aekna i margubo-gubo.

JOSUA 3:16

magotap ma manigor pardalan ni aek i. Dao di juluan marlagut ma aekna i di Adam, i ma sada kota donok tu kota Sartan. Aek na di jae na mardalan tu Laut Mate magotap ma i sude, lopus tarbaen halak Israel taripar di tano na mahiang tu inganan na di tongtang ni Jeriko.