HARURUAR 15:6 - BIBEL JAMITA NA DENGGAN

⁶ Tangan siamunMi ale Tuhan, tung na so tarpatudos hagogoanna, tangan siamunMi ale Tuhan mangaropuk angka musu.

HARURUAR 15:6 Referans Kwoze

JESAYA 51:9

Jonggor ma, jonggor ma! Pakehon ma hagogoan ale tangan ni Tuhan! jonggor ma songon di hatiha na robi di hatiha pomparan na jolo! Nada he Ho do na mangaropukkon si Rahab na maniham naga i lopus mate?

HALUMBAAN 2:27

Jana mamarenta ma ia tu halahi dohot tungkot bosi; dohot mangabiskon bangso i songon na manapor-napor hudon tano – dos songon na Hujagit sian Damang.

MASMUR 60:5

anso malua angka halak na nihaholongan ni rohaMu. Lehen ma hamonangan marhite kuasoMu jana tangihon ma tangiangnami.

MASMUR 2:9

Mardongan tungkot bosi tipulkononmu halahi songon hudon tano ropukonmu halahi.’ ”

MATEUS 6:13

jana ulang pamasuk hami tu bagasan pandugaan, tapi palua ma hami sian pangago i.’ [Ho do Raja na markuaso jana na marsangap salolot-lolotna.]

JESAYA 52:10

Patuduhonon ni Tuhan ma tanganNia na badia i di adopan ni sandok bangso, jadi sandok ujung ni portibi manyaksihon na ro Tuhan paluahon.

JEREMIA 13:14

Jana marsitomboman halahi baenonKu. Songon i ma baenonKu na matobang dohot na poso nada adong ampunanna. AbisanKu ma halahi nada mamake ibo ni roha dohot pangusayang. Au Tuhan, madung mandok songon i.”

MASMUR 98:1

Endehon hamu ma ende na imbaru di Tuhan, angke hahomangan situtu do pambaenanNia. Marhite kuaso dohot hagogoonNia sandiri dapot Ia do hamonangan.

MASMUR 77:10

Jadi hudok ma, “Anggo na mambaen dumangol, on do – madung muba be Na Gumincat i.”

MASMUR 74:11

Biasi nada diurupi Ho be hami? Biasi nada diantoi Ho be hami?

MASMUR 44:3

Diingani halahi pe tano i nada i hara ni podang; nada hara ni gogona sandiri halahi umbaen na monang, tapi hara ni kuaso dohot sinondang ni bohiMu, na patandahon holong ni rohaMu maradopkon bangsoMu.

MASMUR 17:7

Patidahon ma holongMu na gok hahomangan, jadi hami dapotan haluaan. Di bagasan pangondingiMu, sonang hami sian pangaroro ni musu.

HARURUAR 15:11

Tuhan, ise ma sian angka debata sileban na tudos dohot Ho? Di sangap dohot di habadiaan, ise manyalpui Ho? Ise tarbaen patupa angka hahomangan dohot angka karejo na godang songon na binaenMu?

JESAYA 30:14

Maropuk ma hamu songon hudon tano na matapor sarge umpe sangkoping na tarpake gabe ngarngar pambuat ni banggar sian tataring sanga panahu ni aek sian kula.”

HARURUAR 3:20

Jadi patidahononKu ma kuasongKu, jana uhumonKu ma halak Mesir i marhite angka bala na jorbut tu halahi. Dung i loasonnia ma hamu kehe.

HARURUAR 6:1

Dung i didok Debata ma tu si Musa, “Ligionmu ma saonnari sanga aha na giot baenonKu tu raja i. PaksahononKu ma tusia anso dipalua ia bangsongKu. Angkon paksaonKu ia anso dipatola ia kehe halahi sian luat on.”

HARURUAR 15:12

Dipahortang Ho tangan siamunMi, jana dibondut tano i ma musunami.

HARURUAR 15:16

Biar dohot sursar mandondoni halahi; O Tuhan, paida-ida gogoMi, jana umpe margogo be jongjong hara ni na humitir halahi lopus mamolus bangsoMi – bangso na nipaluaMu sian parhatobanan i.

HARURUAR 18:8

Dicaritohon si Musa ma sude tu si Jetro sanga na aha na nibaen ni Tuhan maradopkon raja Mesir dohot bangsona i laho paluahon halak Mesir. Laing dicaritohon ia ma dohot hamaolon na niadopan ni bangso i di tonga dalan, jana songon dia dibaen Tuhan paluahon halahi.

1 SAMUEL 2:10

Maronco angka musu ni Tuhan, mabiar be; mangaronggur Ia sian langit an. Na giot manguhumi ma Tuhan tu sandok tano on. Jana lehenonNia ma kuaso na marmulia tu raja na nitodoNia.”

MASMUR 24:8

Ise he Raja Na Marmulia i? I ma Tuhan na sun gogo; Tuhan na gok kuaso, na so jungada talu di parporangan.

MASMUR 44:4

Ho do Debatangku dohot Rajangku, na mangalehen hamonangan di si Jakob.

MASMUR 89:14

Hatigoran dohot hajujuron do ojahan ni harajaanMu, torang do huida holong dohot habonaron di sude na nibaenMu.

JESAYA 63:12

Di dia do na mandongani si Musa marhite tanganNa na gogo marmulia, jana na mambola aek di jolo ni bangsoNia anso tarbarita goarNia?