HARURUAR 15:3 - BIBEL JAMITA NA DENGGAN

³ Tuhan do panglima ni porang; Tuhan, i ma goarNa.

HARURUAR 15:3 Referans Kwoze

MASMUR 24:8

Ise he Raja Na Marmulia i? I ma Tuhan na sun gogo; Tuhan na gok kuaso, na so jungada talu di parporangan.

HARURUAR 14:14

Tuhan do marporang humopkop hamu, jana nada porlu sanga aha baenonmunu.”

JESAYA 42:8

Au do Tuhan, i ma da goarKu, nada lehenonKu hamuliaonKu tu na asing. HabonggalonKu nada i pasahatonKu tu angka patung na nipambaenan.

MASMUR 83:18

Anso diboto halahi hum Ho do Tuhan Na Gumincat, Tuhan, na mangarajai sandok portibi.

MASMUR 45:3

Solotkon bo podang di gonting, o raja ulubalang, na tongam ma da raja i jana marmulia!

HARURUAR 3:15

Baritahon ma tu bangso Israel, paboa Au do Tuhan Debata ni ompu ni halahi, Debata ni si Abraham, si Ishak dohot si Jakob na marsuru ho manopot halahi. I do goarKu ro di salolot ni lolotna. On ma panggoaringKu di sude bangso marsundut-sundut.

HARURUAR 3:13

Dialusi si Musa ma, “Tapi muda kehe au manopot halak Israel jana hudok tu halahi, ‘Debata ni ompumunu i do marsuru au manopot hamu,’ sapaan ni halahi ma, ‘Ise ma he goarNa?’ Jadi aha ma alusku tu halahi?”

JESAYA 42:13

Ruar do Tuhan marporang songon ulubalang, madung hobas Ia, gogo do rohaNia laho marporang. Digora Ia ma pio-pio di parporangan, patuduhon kuasoNia di paraloan.

JEREMIA 33:2

na manjadihon tano dohot na manompa jana na mamayakkonsa di hapayahanna. Didok Ia,

HARURUAR 3:14

Didok Debata ma tu si Musa, “Au do Au Na Adong. I ma dohononmu tu halahi, ‘Na nigoaran i Au Na Adong i do na marsuru au manopot hamu.’

HARURUAR 14:25

Marsangkotan ma dibaen Ia angka roda ni kareta i, jadi gabe maol ma mardalan. Ninna halak Mesir i ma, “Tuhan do marporang di halak Israel mangalo hita. Beta ma hita morot sian on!”