HARURUAR 15:2 - BIBEL JAMITA NA DENGGAN

² Tuhan do na gogo mangondihon au sasadaSa do na dung paluahon au. Ia do Debatangku, pujionku ma Ia, Debata ni daompung, huendehon ma hagodanganNa.

HARURUAR 15:2 Referans Kwoze

JESAYA 12:2

Debata do da haluaanku, porsaya tuSia do au. Nada adong na mambaen au mabiar, angke Tuhan Debata do hagogoanku dohot ende-endengku, Debata do na paluahon au, Ia do haluaanku.

MASMUR 118:14

Tuhan do hagogoanku dohot na hupapuji-puji, madung dipalua Ia do au.

MASMUR 18:46

Tuhan na mangolu! Nipuji ma na mambela au! Pasangap ma hagogoon ni Debata, na palua au!

MASMUR 59:17

Ho do hagogoonku, di Ho ma ende pujianku, angke Ho do Debata, inganan pangungsianku, ale Debata, sai na holong do rohaMu mida au.

JESAYA 25:1

Ale Tuhan, Ho do Debatangku, giot hupasangap jana hupuji do goarMu. Madung dipatupa Ho angka karejo na pahomang roha. Sian denggan ni rohaMu do i dibaen Ho sudena, na nijanjihonMu mamungka sian narobi.

MASMUR 140:7

Ho do Debata, Tuhanku, sipaluangku na gogo, na dung mangondingi au di bagasan parporangan.

MASMUR 99:9

Somba sujut ma tu Tuhan Debatanta, angke na badia do Ia. DiSia do sangap dohot puji, di DolokNia na badia i.

HALUMBAAN 15:3

Jana diendehon halahi ma ende ni si Musa, naposo ni Debata i dohot ende ni Anak Ni Biri-biri i. Songon on ma ende ni halahi i, “Na godang jana hahomangan do angka pambaenanMu ale Tuhan, Debata Parkuaso Na Sumurung. Na tigor jana na sintong do sude dalanMu, ale Raja ni sude bangso.

PILIPPI 2:11

Angkon torang ma okuon ni halahi paboa Jesus Kristus do Tuhan; jadi nipasangap ma Debata Ama i muda songon i.

MASMUR 118:28

Ho do Debatangku, mandok tarimakasi au tu Ho, Debatangku, hupagodang do Ho.

MASMUR 99:5

Puji ma Tuhan Debatanta, manungkap ma hamu di joloNia, angke na badia do Ia!

MASMUR 34:3

Pagodang ma Tuhan rap dohot au, beta ma rap hita pasangapkon goarNia.

PANGARATAION 10:21

Puji ma Ia – Ia do Debatamunu. Diida matamunu sandiri do angka pambaenan na godang jana hahomangan na nibaenNia hara ni hamu.

HARURUAR 3:6

Didok Debata ma muse, “Au do Debata ni ompumu, Debata ni si Abraham, si Ishak dohot si Jakob.” Gabe ditutupi si Musa ma bohinia, dibaen biarnia marnida Debata.

2 KORINTUS 5:19

Markite-hite Kristus dibaen Debata do lopus mardenggan nian jolma na satano on dohot Debata. Nada dijujur Debata be angka hasalaan na nibaen ni jolma i tuSia, jana hami madung disuru Debata pabolkaskon barita pardengganan i.

BAENON NI ANGKA RASUL 4:12

Hum markite-hite Jesus sajo do jolma dipalua. Harana sian sude jolma na satano on, nada adong sahalak pe na dung manjagit kuaso sian Debata laho paluahon hita.”

MASMUR 145:1

Sai giot pagodangonku do Ho, ale Debatangku jana Rajangku, tongtong do au sai giot mandok tarimakasi tu adopanMu.

2 SAMUEL 22:47

O Tuhan ni hangoluan! Nipuji ma Ho na mangampuni au! Pasangap ma Debata na gumogo, sipaluangku!

HARURUAR 14:13

Dialusi si Musa ma, “Ulang hamu mabiar! Martahan ma hamu, idaonmunu ma sanga aha sibaenon ni Tuhan laho paluahon hamu sadari on; nada idaonmunu be halak Mesir i.

HARURUAR 4:22

Dokkon ma tu raja i bahaso Au Tuhan, martona songon on, ‘AnakKu siangkaan do bangso Israel,

EPESUS 2:22

Di na mardomu i dohot Kristus, na nipajongjong do hamu rap dohot halak na asing gabe sada Bagas Ni Debata; maringanan do Debata disi dohot TondiNia.

JESAYA 49:6

“Pamenek tu ma ho muda hum gabe naposongKu, laho pajongjongkon marga-marga ni Jakob, laho paulakkon halak Israel na tading i. Tapi baenonKu ma ho gabe sinondang di angka bangso anso haluaan na sian Au lalu tu ujung ni tano on.”

MASMUR 109:1

Hupuji do Ho ale Debata, ulang ma sai so Ho.

MASMUR 27:1

Tuhan do hatiuran ni ngolungku dohot sipalua au, nada adong habiaranku. Tuhan do benteng parondinganku, nada pola humitir au.

HARURUAR 40:34

Dung i mijur ma ombun manutupi Bandar Na Badia i jana digohi sinondang na marnyala sian haroro ni Tuhan ma Bandar Parmianan.

HALUMBAAN 19:1

Dung i hubege ma sora na gogo sian halak na ribur, na marsurahi sian banua ginjang, mandok, “Haleluya! Haluaan dohot hasangapan dohot hagogoan ma di Debatanta.

PILIPPI 4:13

Markite-hite kuaso na nilehen ni Kristus i tu au, taradopi au do sude ragam-ragam ni angka na masa.

JOHANNES 5:23

Dibaen Damang pe i anso dipasangap halak do Anak i songon na ni baen ni halak tu Damang. Halak na so pasangapkon Anak i, nada diparsangapi ia muse Ama na marsuru Anak i.

JOHANNES 4:22

Hamu angka halak Samaria disomba hamu do na so ditanda hamu, tapi anggo hami halak Jahudi, na hami tanda do na hami somba; angke sian halak Jahudi do ro haluaan i.

LUKAS 2:30

Angke madung diida matangku sandiri haluaan na sian Ho.

LUKAS 1:77

Jana patuduhon tu bangsoNia pangastuion taringot tu haluaan, marhite na dung disesa angka dosa ni halahi,

ZAKARIA 13:9

Hum sapartolu noma na mangolu sian i. Jana paiasonKu ma halahi songon perak na dipapita ni api. UjionKu ma halahi songon panguji ni halak di sere. Jadi martangiang ma halahi tu Au, jana alusanKu ma halahi. DokkononKu ma tu halahi, paboa na bangsongKu do halahi, jana okuon ni halahi muse ma, Au do Tuhan Debata ni halahi.”

JEREMIA 32:38

Gabe bangsongKu ma halahi, jana Au gabe Debata ni halahi.

JEREMIA 31:33

On ma parjanjian na imbaru na giot baenonKu dohot halahi: BaenonKu ma angka aturanKu tu bagasan roha ni halahi, jana suratkononKu di ate-ate ni halahi. Au ma gabe Debata ni halahi, jana halahi gabe bangsongKu.

JEREMIA 3:23

Nada adong gunana marsomba gana-ganaan hami di puncu ni angka dolok! Hum sian Tuhan Debatanami do pangurupion anggo tu Israel.

JESAYA 66:1

Songon on do pandok ni Tuhan, “Langit do habangsangKu, jana portibi sidegean ni patKu. Jadi bagas na tarbia ma he na giot bangunonMu di Au, jana inganan na tarbia ma he na giot baenonmu parmiananKu?

JESAYA 45:17

Hape anggo Israel paluaon ni Tuhan, jana malua ma halahi salolotna. Rayatna i nada palayason salolot-lolotna dohot satorusna.’ ”

MASMUR 132:5

anggo so jolo hupasingkop bagas ni Debata ni si Jakob, inganan parmianan di Tuhan Na Gumogo i.”

MASMUR 68:20

Debata na paluahon do anggo Debatanta Debata, Tuhanku mangalehen haluaan sian hamatean.

MASMUR 30:1

Hupuji do Ho ale Tuhan, angke madung dipatongon Ho di au haluaan. Nada dipadiar Ho musungku marsurak manggorai au.

MASMUR 28:8

Diondihon Tuhan i do bangsoNa, diampini jana dipalua Ia do raja na nipiliNia.

MASMUR 22:10

Sian na menek di tanganMu do bagianku, sian di bortian ni dainang dope au, laing Ho do Debatangku.

MASMUR 22:3

Tutu do Ho Raja Na Sun Badia na maringanan di ginjang puji-pujian ni halak Israel.

1 RAJA-RAJA 8:27

“Tapi ale Debata, tarbaen Ho ma he tinggal di tano on? Haru sude langit i, hurang bidang dope gabe ingananMu, mur ma bagas na hupauli on!

1 RAJA-RAJA 8:13

Dison hupajongjong di Ho tarsongon bagas godang baen inganan ma i di Ho sapanjangna.”

2 SAMUEL 22:51

Mulahulak dilehen Debata hamonangan na marlobian tu raja. Manongtong do holong ni rohaNa tu raja na nipiliNia, tu si Daud maradu pomparanna sapanjangna.

2 SAMUEL 7:5

“Kehe ma ho, jana palalu ma tonangKon tu naposongKu si Daud, ‘Biasi giot di pajongjong ho bagas di Au.

PAMUNGKAAN 17:7

Paingot-ingotonKu do janjingKu na tu ho dohot tu pomparanmu marsundut-sundut jana hot do janjingKu salolot-lolotna. Au ma gabe Debatamu jana Debata ni pomparanmu.

KOLOSSE 2:9

Angke sasudena hadirion ni Debata dapot do di Kristus, i ma di bagasan hajolmaonNia.

PAMUNGKAAN 49:18

O Tuhan, hum haluaan na sian Ho do na hupainte-inte.

HAKIM-HAKIM 5:21

Mangalantap Batang aek Kison mangayup musu, maju, torus ma manggogo maju, ale tondingku.

MASMUR 48:14

Paboa Ia do Debata, Debatanta sapanjangna, uluhononNia ma hita salolot-lolotna.

HABAKUK 3:13

Mardalan ma Ho tu jolo laho paluahon bangsoMi dohot mambaen malua raja na nitodoMi. Dipukul Ho do dabu pamimpin ni halak na so hasaya, dihais Ho sude na mangihut tusia.

HARURUAR 6:7

Gabe bangsongKu ma hamu baenonKu jana Au gabe Debatamunu. Anso diboto hamu, Au do Tuhan Debatamunu di na Hupalua hamu sian parhatobanon di Mesir.

2 SAMUEL 7:24

Dibaen Ho do bangso Israel i gabe bangsoMu sandiri sapanjangna, jana Ho ma ale Tuhan na gabe Debata ni halahi.”

2 SAMUEL 22:3

Tu Debata do au marsilaung jana sonang do au marlindung. Songon parince do Debata manutup au, sonang ma au, dibaen Ia do mangondingi au. Tuhan i do Sipalua di au sian na mangasa gogo gabe malua au.

1 JUJUR TAON 16:14

Ia ma da Tuhan, Debatanta. Dilingkup kuasoNia do portibi on sudena.

MASMUR 118:21

Hupuji do Ho Tuhan, dibaen madung dioloi Ho tangiangku; madung dilehen Ho hamonangan di au.