HARURUAR 15:15 - BIBEL JAMITA NA DENGGAN

¹⁵ Angka pamimpin ni Edom gabe manyogar halak Moab na gogo i gabe manyikur, angka halak Kanaan pe marroha heput.

HARURUAR 15:15 Referans Kwoze

JOSUA 5:1

Dibege sude raja-raja ni Amori na di Hasundutan ni Batang aek Jordan, dohot sude angka raja ni Kanaan na di topi ni Laut Tonga ma, na nipahiang ni Tuhan Batang aek Jordan salolot mamolus halak Israel di batang aek i lopus lalu halahi di bariba. Jadi gabe mabiar ma angka raja i jana humitir hara ni halak Israel.

JOSUA 2:11

Disi hami bege barita i, gabe sun ma biarnami. Ma pola mago habaranion nami hara ni hamu. Debata ni langit dohot tano do anggo Tuhan Debatamunu.

JOSUA 2:9

jana didok ia ma tu halahi, “Huboto do na dung dilehen Tuhan do anggo luat on tu hamu. Sude do halak na dison mabiar tu hamu.

PANGARATAION 2:4

Dung i disuru Tuhan ma au mangalehen sitiopan ni roha di hamu songon on, ‘Nada sadia honok nari masuhanmunu ma tano partoran Edom, luat ni angka kahanggimunu pomparan ni si Esau. Mabiar ma halahi tu hamu, tapi angkon marjaga-jaga do hamu.

PAMUNGKAAN 36:40

Si Esau ma ompu ni angka marga-marga ni Edom na mangihut on: Timna, Alwa, Jetet, Oholibama, Ela, Pinon, Kenas, Teman, Mibsar, Magdiel dohot Iram. Ganop marga do mambaen goarna tu luat na niinganannabe.

HABAKUK 3:7

Huida ma mabiar rayat ni Kusan, jana humitir halak Midian.

NAHUM 2:10

Gariang, hagariangon dohot parkancitan! Hancit ate-ate hara ni jorbutna. Humitir totna hara ni galena. Bohi i langan hara ni biarna.

JEHESKIEL 21:7

Muda disapai halahi sanga hara ni aha umbaen na mangangguhi ho, dokkon ma na marsak ho hara ni barita na giot ro. Barita na mambaen mabiar roha ni halahi, gale tangan ni halahi jana humitir dugul ni halahi hara ni na mandele. Tutu do na dung dapot hatihana jana tarjadi do sudena i. Au Tuhan Debata madung mandok songon i.”

JESAYA 19:1

On ma tona salaho tu Mesir. Ro do Tuhan tu Mesir manengget ombun na hipas. Humitir ma angka gana-ganaan ni Mesir di joloNia jana menek ma roha ni halak Mesir marnidasa.

JESAYA 13:7

Ganop halak hilalaonna ma tanganna gale jana heput.

MASMUR 68:2

Mago ma halahi songon timus ni api. Songon lilin na malala di bagasan api, lintop ma parjahat sian adopan ni Debata.

2 SAMUEL 17:10

Jadi salangkan angka jolma na umbarani dohot na songon jingar ni singa pe gabe mabiar noma. Angke sude do halak Israel umbotosa na parporang do amang ni raja i, jana angka paranganna pe angka parporang na barani do.

1 SAMUEL 14:16

Jadi diida tentara ni si Saul na marjago di Gibea na di Luat Benyamin dua halak Pilistin na marlojongi i pahae-pahulu marsitondong dalanna.

JOSUA 14:8

Hape anggo angka jolma na kehe rap dohot au, mambaen mabiar do halak Israel. Hape anggo au totop do unduk mangoloi Tuhan Debatangku.

JOSUA 2:24

Dung i didok halahi ma, “Ma pasti na dung dilehen Tuhan sude luat i tu hita; mabiar do sude halak na disi tu hita.”

PANGARATAION 20:8

Angkon dokkonon ni angka komandan muse dope tu angka jolma i songon on, ‘Adong dehe dison na gugup dohot na mabiar? Muda adong do, angkon mulak do ia. Muda nada mulak ia, mambaen sego do i tu semangat ni donganna na asing.’

PAMUNGKAAN 36:15

Angka on ma marga-marga sian pomparan ni si Esau: Si Elifas anak siangkaan ni si Esau i ma na gabe ompu ni angka marga-marga na mangihut on: Teman, Omar, Zefo, Kenas,

MASMUR 48:5

Hape paida-ida dolok i, gabe ngangang halahi; gaor halahi jana maturubus marlojongi.

JEREMIA 49:23

On ma na nidok ni Tuhan salaho tu Damaskus, “Sak be roha ni halak Hamat dohot Arpad jana busisa hara ni na umbege barita na jat. Marsak be roha ni halahi jana dumaol-daol songon ombak ni laut.

PAMUNGKAAN 36:16

Korah, Gaetam dohot Amalek. Pomparan ni si Ada ripe ni si Esau i ma sudena i.

HABAKUK 3:6

Muda jongjong Ho, humutur ma tano; muda manatap Ho, humitir ma angka bangso. Mangkahoping ma angka dolok sian najolo; angka tor sian narobi gabe marondo, di angka tanggurung ni tor i ma mardalani Ho di hatiha na robi.