HARURUAR 13:18 - BIBEL JAMITA NA DENGGAN

¹⁸ Balikna do, dioban Debata halahi marhaliang mamolus parhorsihan torus tu Laut Rara. Marsinjata be do halak Israel i songon na giot marporang.

HARURUAR 13:18 Referans Kwoze

PANGARATAION 32:10

Dapot Ia halahi hatiha diparedang-edangan, di na lungun boti na harsang di halongonan. Dipahan Ia halahi antong jana diondihon Ia, songon na manjagohon di diriNa.

HARURUAR 14:2

“Suru ma halak Israel i mulak jana marbandar di jolo ni kota Pi Hahirot, antara ni kota Migdol dohot Laut Rara donok tu kota Baal Zefon.

HARURUAR 12:51

Di ari i ma dioban Tuhan halak Israel i ruar sian tano Mesir songon sada parangan.

MASMUR 107:7

Mamolus sian dalan na lidang halahi ditogu Ia, tu inganan parmianan di sada kota.

JOSUA 1:14

Padiar ma tinggal dadaboru dohot dakdanak maradu angka pahan-pahananmunu dison, tapi anggo angka tentaramunu angkon markobas ma marporang jana manjoloi bangsomu angka halak Israel manaripari Batang aek Jordan. Angkon urupan ni angka parporang i do halahi

PANGARATAION 17:16

Muda raja, nada tola bahat kudona baen di tentarana. Nada tola suruonnia halak tu Mesir laho manobusi kudo, dibaen madung didok Tuhan do na so tola be mulak bangsoNia i tu luat i.

JOSUA 4:12

Angka parporang ni Marga Ruben, Gad dohot satonga sian Marga Manase, mardalan ma di jolo ni sude bangso i maniop sinjata, songon na nidok ni si Musa karejohonon ni halahi.

JOSUA 4:13

Hira-hira opat pulu ribu halak ma na taripar lalu tu napa ni Jeriko giot marporang di jolo ni Tuhan.

MASMUR 136:16

Diuluhon Ia bangsoNia mamolus parhorsihan, hot do holong ni rohaNia sapanjangna.

PAMUNGKAAN 50:25

Jadi disuru si Josep ma bangsonia i marsumpa ning ia ma, “Janjihon hamu ma tu au, muda dipimpin Debata hamu mulak tu luat i, angkon dohot do obanonmunu saring-saringku.”

HARURUAR 14:9

Mangkojar ma tentara Mesir i, dohot sude kudo maradu sude na markudo, tu halak Israel lopus tu inganan parbandaran ni halahi donok tu Laut Rara, di lambung ni Pi Hahirot dohot Baal Zefon.

MASMUR 68:8

humutur do tano on, diduruskon langit i do udan; di joloMu ale Debata; humutur do Sinai di jolo ni Debata, Debata ni Israel.