HARURUAR 12:6 - BIBEL JAMITA NA DENGGAN

⁶ Jana di ari paopatbolaskon bulan on, sude ma halak Israel manyambol anak ni pahan-pahanan i.

HARURUAR 12:6 Referans Kwoze

HAMALIMON 23:5

Ari Pesta Paskah na nipestahon pasangap Tuhan mamungka sian na lusut mataniari di tanggal opat bolas bulan sada.

BILANGAN 28:16

“Di tanggal opat bolas bulan sada, angkon pestahononmunu do Pesta Paskah pasangapkon Tuhan.

BILANGAN 9:11

tola do dohot ia mamestahon. Tapi dung salpu pe sabulan anso pestahononna, i ma di tanggal opat bolas bulan paduahon. Pestahon hamu ma disi lalu mangan roti na so marragi dohot sayur na paet.

HARURUAR 12:18

Di bulan parjolo, mamungka sian borngin ni ari opat bolas lopus borngin tanggal dua pulu sada, nada tola panganonmunu roti na marragi.

BAENON NI ANGKA RASUL 4:27

Tutu do songon i. Angke marlagut do si Herodes dohot si Pontius Pilatus rap dohot halak na so mananda Tuhan bope halak Israel di kota on. Marlagut do halahi laho mangalo Jesus NaposoMu Na Badia i, na NimiahanMi,

JEHESKIEL 45:21

Di tanggal opat bolas bulan sada, angkon pestahononmunu do Pesta Paskah. Pitu ari honokna angkon mangan roti na so marragi sude halak.

HARURUAR 16:12

“Madung Hubege ungut-ungut ni halak Israel. Dok ma di halahi, muda andospotang dapotan juhut ma halahi baen panganon, jana manyogotna i dapotan roti ma halahi sanga sadia giotna. Gabe botoon ni halahi ma, bahaso Au do Tuhan, Debata ni halahi.”

LUKAS 23:18

Jadi marsurak ma angka jolma na disi sudena, “Matehon i! Si Barabbas ma palua di hami!” (

LUKAS 23:1

Jongjong ma sude na marrapot i, dioban halahi ma Jesus tu jolo ni si Latus.

MARKUS 15:25

Pukul sambilan manyogot diparsilangkon halahi ma Jesus.

MARKUS 15:11

Tapi dijajang angka sintua ni malim i ma halak na bahat i anso si Barabbas dipangido halahi tu si Latus.

MARKUS 15:8

Marroan ma halak mandapotkon si Latus laho mangidohon tusia anso dipalua ia ma sahalak na tarhurung, songon na somal.

MARKUS 15:1

Jadi sogot dope diompoti parrapot Godang i ma sude, dohot angka sintua ni malim, bagian hatobangon ni halak Jahudi dohot angka Siboto Surat mambaen partahian. Dirante halahi ma Jesus, dung i dioban ma Ia tu si Latus laho pasahatkon Ia tu si Latus.

MATEUS 27:25

Dialusi halak na bahat i ma sude, “Padiar ma manginona tu hami dohot tu pomparannami mudarna i!”

MATEUS 27:20

Tapi torus ma dijajang-jajang angka Sintua Ni Malim dohot angka hatobangon ni halak Jahudi i halak na bahat mangido tu si Latus anso si Barabbas dipalua. Tapi anggo Jesus nibunu ma.

BILANGAN 28:18

Di ari parjolo Ari Pesta i angkon marpungu ma hamu maribadat, jana nada tola karejohononmunu barang aha pe.

BAENON NI ANGKA RASUL 3:14

Ditulak hamunu do Na Badia jana Na Tigor i, jana dipangido hamunu do anso dipalua sibunu jolma i.

BAENON NI ANGKA RASUL 2:23

Ia na dung dilehen ni Debata tudos tu maksud dohot sangkapNa, madung diparsilangkon hamu di hayu na marsilang jana dibunu markite-hite bangso na geduk.

JESAYA 53:6

Lilu do hita sudena songon biri-biri, marsitondong dalanna be. tapi madung dihonahon Tuhan tusia sude hajahatanta.

HARURUAR 12:14

Ari on ma ari parningotan di hamu. Angkon pagodangonmunu do ari on laho marningot angka aha na dung Hubaen. Rayahon hamu ma ari on salolot-lolotna.”

HARURUAR 12:17

Angkon tongtong do baenonmunu parningotan di Ari Pesta on, angke di ari on ma Huoban sude bangsomunu haruar sian Mesir. Tu angka ari na ro pe angkon baenon do parningotan di Ari Pesta on lalu tu angka pomparanmunu.

HARURUAR 12:47

Sude bangso Israel angkon mamestahon pesta i.

HARURUAR 16:1

Dung i kehe ma sude halak Israel maninggalkon Elim, jana di ari lima bolas bulan paduahon dung ditadingkon halahi tano Mesir, lalu ma halahi tu Parhorsihan Sin, di antara ni Elim dohot Sinai.

HARURUAR 19:1

Dung i kehe ma bangso Israel manadingkon Rafidim jana di tanggal sada bulan patoluhon dung kehe halahi sian Mesir, lalu ma halahi di Parhorsihan Sinai. Jana dibaen halahi ma bandar di pat ni Dolok Sinai,

2 JUJUR TAON 35:1

Dung i dipestahon si Josia ma Paskah di Jerusalem laho pasangapkon Tuhan. Disambol ma biri-biri sipakeon di pesta i di tanggal opat bolas bulan sada.

ESRA 6:19

Di tanggal opat bolas bulan sada di taon na mangihut marari Pesta Paskah ma angka halak na dung mulak sian habuangan i.

HARURUAR 29:39

Sada ma i haul manyogotna jana na sada nari ma i tu andospotang.

HARURUAR 29:41

Anak ni biri-biri na paduahon i nihaulkon ma i andospotang rap dohot sakilo topung, saliter miak zetun dohot saliter anggur. On ma na gabe haul panganon di Au, Tuhan jana uapna i ma na pasonang rohangKu.

JOSUA 5:10

Taran na marbandar di Gilgal di napa na di lambung Jeriko, dipestahon halak Israel ma Paskah di borngin ni tanggal opat bolas di bulan i.