HARURUAR 12:48 - BIBEL JAMITA NA DENGGAN

⁴⁸ Halak na so disunat nada tola dohot mangankon panganon pesta i. Betak adong sian halak na leban na dung hot rap dohot hamu na malungun dohot mamestahon Paskah i laho pasangap Debata, angkon jolo sunatonmunu do angka halaklahi na adong di bagasnia i. Dung i angkon etongonmunu do halahi songon halak Israel asli jana tola ma ia dohot mamestahon Paskah i.

HARURUAR 12:48 Referans Kwoze

BILANGAN 9:14

Muda adong halak na leban na rap dohot hamu giot dohot marpesta Paskah, angkon pestahononnia do pesta i mangihutkon paraturan na mardomu tusi. Mangonai do uhum on tu sude jolma, bope halak Israel bope halak na leban.”

KOLOSSE 3:11

Hara ni sasudena i gabe mago ma angka parasingan ni halak Jahudi dohot na so Jahudi, halak na marsunat dohot na so marsunat; nada adong be parasingan ni angka bangso; nada adong be hatoban sanga na mardeka; angke hum Kristus noma sasudena. Mardomu do Kristus dohot halahi sudena!

GALATIA 3:28

Anggo taringot tuson, nada adong be dibaen mardia imbar halak Jahudi sanga angka halak Junani, hatoban dohot na mardeka, halaklahi dohot dadaboru. Gabe sada do hamu sudena hara ni Kristus Jesus.

JEHESKIEL 47:22

jana nampunamunu noma tano i salolot-lolotna. Angka halak sileban na dung hot maringanan di tonga-tongamunu jana na adong dakdanakna na sorang dison, angkon maruli bagian do di tano i. Angkon etongon do halahi songon anggota na gok di bangso Israel, jana angkon dohot do halahi undion anso maruli tano di hatiha dibaen pambagian ni tano i di angka marga-marga ni Israel.

HARURUAR 12:43

Didok Tuhan ma tu si Musa dohot tu si Harun, “On ma aturan di Pesta Paskah. Nada tola panganon ni halak sileban panganon Paskah i.

HARURUAR 12:19

Di bagasan na pitu ari i, nada tola simpanonmunu ragi di bagasmunu. Betak adong halak, bope halak Israel, bope halak na asing mangankon roti na marragi, nada tola etongon be i sahalak sian bangsongKu.”

JEHESKIEL 44:9

Au Tuhan Debata, pabotohon, ganop halak sileban na so marsunat dohot halak na so marpangoloion tu Au, nada tola masuk tu BagasKi. Laing songon i muse do dohot tu halak sileban na hot maringanan ditonga-tonga ni bangso Israel.”

PAMUNGKAAN 17:11

Mamungka saonnari angkon pasunatkononmu ma ganop anak halaklahi na baru sorang na marumur salapan ari, dohot do disi angka hatoban na sorang di bagasmu dohot angka hatoban na nitobusanmu sian halak na asing. Sunat i ma na gabe tanda na tarida paboa na hot parjanjian i antara ho dohot Au.

JEHESKIEL 14:7

Sandok halak Israel dohot halak sileban na maringanan di tonga-tonga ni bangso Israel, na mandao sian Au jana kehe marsomba gana-ganaan, dung i ro muse mangido sipaingot tu sada panurirang, Au sandiri na mangalusisa.

HAMALIMON 19:34

Baen ma tu halahi songon na nibaenmu tu bangsomu sandiri jana haholongi halahi songon pangkaholongimu di dirimu sandiri. Ingot, hamu pe jungada do gabe halak na leban di Mesir. Au do Tuhan Debatamu.