HARURUAR 12:3 - BIBEL JAMITA NA DENGGAN

³ Dokkon ma parenta on tu halak Israel: Di ari sampulu bulan on ganop halaklahi angkon mamili sada anak ni biri-biri sanga anak ni hambeng di ganop ripe.

HARURUAR 12:3 Referans Kwoze

1 KORINTUS 5:7

Jolo ambungkon hamu ma ragi na lolot i, i ma dosa i anso gabe songon adonan ni topung na imbaru boti na ias hamu sian ragi ni dosa na honok i. Harana madung mamungka Ari Pesta Paskah di hita; Kristus na gabe songon biri-biri Paskah di hita, madung dihaulkon.

JOHANNES 1:29

Ancogotna i diida si Johannes ma ro Jesus mandapotkon ia. Didok si Johannes ma, “Ligi ma! Indi ma ibana Anak Ni Biri-biri Ni Debata na manyesa dosa ni portibi on!

HAMALIMON 5:6

Jana songon uhuman hara ni dosania i, angkon obanonna di Tuhan sada biri-biri sanga sada hambeng boru-boru. Sombahonon ni malim i ma haul i, anso dapot hasesaan ni dosa ni halakna i.

HAMALIMON 1:2

sipatuluson ni halak Israel muda marhaul halahi. Muda dipasahat sada halak pahan-pahanan gabe haul situtungon, tola do sombahononna lombu, biri-biri sanga hambengnia.

JOHANNES 12:12

Ancogotna i tarbege ma tu halak na bahat na marroan manghagodangkon Paskah i, bahaso na dung di tonga dalan Jesus laho tu Jerusalem.

JOHANNES 1:36

Dung diida ia Jesus mamolus disi, ning ia ma, “Ligi ma, Anak Ni Biri-biri Ni Debata!”

2 JUJUR TAON 35:7

Baen sipakeon ni angka halak na dohot di pesta Paskah i, disumbangkon Raja Josia ma sian pahan-pahanannia sandiri tolu pulu ribu biri-biri, anak ni biri-biri dohot hambeng jara jara, dohot tolu ribu lombu jantan.

BILANGAN 15:11

I ma na angkon haulkonon rap dohot ganop sada lombu jantan, biri-biri jantan, biri-biri sanga hambeng.

HARURUAR 12:6

Jana di ari paopatbolaskon bulan on, sude ma halak Israel manyambol anak ni pahan-pahanan i.

HARURUAR 6:6

Jadi baen ma boa-boa tu bangso Israel, bahaso madung Hudok tu halahi: ‘Au do Tuhan; sai na urupanKu do hamu jana paluaonKu sian parhatobanon ni bangso Mesir i. SurduhononKu tanganKu na gogo i mandabu uhum na dokdok tu bangso Mesir, jana paluaonKu hamu.

HARURUAR 4:30

Dung i dipabolkas si Harun ma tu halahi sude na nidok ni Debata tu si Musa, jana dipatidahon si Musa ma tanda hahomangan i di jolo ni halahi.

PAMUNGKAAN 22:8

Dialusi si Abraham ma, “Debata sandiri do pasingkopkon anak ni biri-biri i.” Jadi didatdati halahi ma na mardalan i.

PAMUNGKAAN 4:4

Dibuat si Abel ma sada anak ni biri-biri siangkaan sian saparinaan; disambol ia ma i, lalu dihaulkon ia ma goar-goaranna na dumenggan sian i tu Tuhan. Jop ma roha ni Tuhan mida si Abel dohot na nihaulkonnia i,

HALUMBAAN 13:8

Sombaon ni sude jolma na mangolu di ginjang tano on ma binatang i, i ma angka halak na so tarsurat goarna di buku hangoluan ni Anak Ni Biri-biri na dung disambol i, mamungka sian panompaon ni portibi on.

1 SAMUEL 7:9

Jadi hara ni i, disambol si Samuel ma sada anak ni biri-biri lalu ditutung ia ma i himpal-himpal songon haul tu Tuhan. Dung i martangiang ma ia anso ditolong Tuhan halak Israel, jana tulus do antong tangiangnia i.

JOSUA 7:14

Hara ni i Josua, paboa ma tu halahi bahaso na giot paresoon ma ancogot manyogot marmarga-marga. Muda Hutudu sada horong, sude marga na masuk tu horong i angkon maju marmarga-marga. Jana Hutudu sada marga sian horong i, sude ripe sian marga i angkon maju marsasaripe. Dung i muda Hutudu sada ripe, ganop halak sian na saripe i angkon maju marsada-sada halak.

HARURUAR 20:19

Didok halahi ma tu si Musa, “Ho sajo ma mandok hata tu hami, hami bege pe; tapi ulang ma Debata na mandok hata tu hami, naron gabe mate hami.”

HARURUAR 14:15

Didok Debata ma tu si Musa, “Biasi pio-pio ho mangido tolong? Suru ma halak Israel i torus mardalan.

JOHANNES 12:1

Onom ari nari dompak so Pesta Paskah i, kehe ma Jesus tu Betania. Disi do tinggal ni si Lasarus na dung jungada mate jana na nipangolu ni Jesus mangulahi.

HARURUAR 12:2

“Bulan on ma na gabe bulan parjolo di almanakmunu.

HARURUAR 12:4

Tapi muda otik do bilangan ni halahi na saripe i, mangabiskon sada anak ni biri-biri sanga anak ni hambeng, bolas do rap halahi dohot hombar bagasna mangankon anak ni biri-biri sanga anak ni hambeng mangihutkon bahat ni halahi na mangankon dohot bahat ni juhut na lobas panganon ni ganop halak.

HARURUAR 12:21

Dipalagut si Musa ma sude hatobangon ni Israel, ning ia ma tu halahi, “Kehe ma hamu manjalahi anak ni biri-biri sanga anak ni hambeng sisambolon, anso ganop ripe tarbaen dohot mamestahon Paskah.

JEHESKIEL 40:1

Di tanggal sampulu bulan sada di taon padua pulu limahon hatiha habuangannami, opat bolas taon dung talu Jerusalem, digohi kuaso ni Tuhan ma au, lalu dioban ma au kehe.