HARURUAR 12:26 - BIBEL JAMITA NA DENGGAN

²⁶ Muda disapai angka dakdanakmunu, ‘Aha dehe astuan ni on?’

HARURUAR 12:26 Referans Kwoze

PANGARATAION 32:7

Ingot ma ari na salpu, hatiha najoloan, barita di parningotan laing tarsimpan, sapai angka amantamunu, sude angka na masa na salpu, sapai ma angka hatobangonmunu, anso dipaboa tu hamu angka na masa na salpu.

MASMUR 145:4

Sian sundut tu sundut, sai pujionna do goarMu, jamitahonon ni halahi do hasangapanMu.

EPESUS 6:4

Hamu angka dongan na dung mardakdanak! Ulang ma baen hamu na so patut tu dakdanakmunu anso ulang gabe muruk halahi. Tapi gumonan do ajari hamu halahi di aturan dohot pangajaran ni Tuhan.

JESAYA 38:19

Hum jolma na mangolu do na mamuji Ho, songon na hupatupa sadari on. Dibaritahon na matobang tu dakdanakna sanga songon dia burju ni rohaMu.

PANGARATAION 11:19

Ajarkon ma i tu angka dakdanakmu. Sai hobar-hobari hamu ma i dompak di bagas hamu sanga pe di na mardalanan, dompak maradian hamu sanga di hatiha markarejo.

PANGARATAION 6:7

Ajarkon hamu ma i tu angka dakdanakmunu. Hobar-hobari hamu ma i di bagasan bagasmunu dohot di ruar ni bagas, di na maradian dohot di na markarejo.

HARURUAR 13:22

Salolot arian tongtong do di jolo ni bangso i tiang ombun i, jana salolot borngin rap do tiang api i dohot halahi.

HARURUAR 10:2

anso tarcaritohon ho i tu anakmu dohot tu pahompumu sanga songon dia Hubaen marmayam-mayamkon bangso Mesir marhite hahomangan na dung Hubaen di tonga-tonga ni halak i. Sude ma hamu mambotosa, bahaso Au do Tuhan.”

HARURUAR 12:25

Muda dung masuk hamu tu tano na nijanjihon ni Tuhan i tu hamu, angkon patupaonmunu do upacara on.

MASMUR 44:1

Hami bege sandiri do, ale Debata, holong ni roha na nibaritahon ni ompunami, taringot tu hagodangan ni karejo na nipatulusMu di hatiha na salpu di na robi.

PANGARATAION 6:20

Di pudian ni ari sapa-sapa ma angka dakdanakmu tu ho, ‘Biasi disuru Tuhan Debatanta hita mangoloi sude angka aturan on?’