HARURUAR 12:15 - BIBEL JAMITA NA DENGGAN

¹⁵ Didok Tuhan, “Pitu ari honokna nada tola panganonmunu roti na marragi. Di ari parjolo, nada tola adong ragi di bagasmunu, angke muda adong halak mangan roti na marragi di bagasan pitu ari i, nada etongon be ia bangsongKu.

HARURUAR 12:15 Referans Kwoze

PANGARATAION 16:3

Ulang pangan rap dohot roti na marragi panganon Paskah i. Pitu ari lolotna hamu angkon mangankon roti na so marragi, laing songon di na morot hamu sian tano Mesir maradu mopop. Pangan hamu ma roti i – na margoar roti pardangolan – anso salolot mangolu diingot hamu ari i di na morot hamu sian Mesir, ingananmunu diparhatoban.

PAMUNGKAAN 17:14

Ganop halaklahi na so nisunat nada masuk be i gabe bangsongKu angke nada togu ditiop ia parjanjian i.”

BILANGAN 9:13

Tapi halak na ias mangihutkon ugamo nada muse di pardalanan ia, hape nada dipestahon ia Paskah i, nada etongon be halak i bangsongKu, angke nada dihaulkon ia haul tu Au di ari na dung ditontuhon. Taononnia ma panginona ni dosania i.

HARURUAR 34:18

Pasangap ma Ari Pesta Roti Na So Marragi; pitu ari honokna angkon mangan roti na so marragi hamu, laing songon na Huparentahon tu ho di tingki na niaturkon di bulan Abib; harana di bulan Abib i do hamu ruar sian tano Mesir.

HARURUAR 23:15

Di bulan Abib, angkon baenonmunu do Pesta Roti Na So Marragi songon na dung Huparentahon tu hamu, angke di bulan i ma hamu manadingkon tano Mesir. Ulang pangan hamu roti na nibaen marcampur ragi salolot pesta sipitu ari i. Ulang hamu ro maribadat tu Au anggo so maroban haul.

PANGARATAION 16:8

Na onom ari na mangihut i, angkon roti na so marragi do panganonmunu. Di ari papituhon angkon marlagut do hamu laho manyomba Tuhan Debatamunu. Ulang ma markarejo anggo di ari i.”

BILANGAN 28:17

Di tanggal lima bolas mamungka ma ari pesta ugamo pitu ari honokna. Sahonok ni na pitu ari i, hum roti na so marragi do tola panganonmunu.

HARURUAR 34:25

Ulang haulkon hamu roti na marragi muda ro hamu manghaulkon pahan-pahanan tu Au. Na nisambol baen haul di Pesta Paskah, nada tola tinggalhononmunu saotik pe lalu tu ancogotna.

HARURUAR 12:8

Borngin i ditutung ma juhutna i, dipangan ma rap dohot sayur paet dohot roti na so marragi.

GALATIA 5:12

Gumonan dope angka halak na manggaori pikiranmunu i, manigor diharuarkon.

BAENON NI ANGKA RASUL 12:3

Dung diida Raja Herodes na sonang do roha ni halak Jahudi mida pambaenannia i, gabe didatdati ia ma mambaen na songon i, disuru ia muse ma ditangkup si Petrus. Hatiha Ari Pesta Roti Na So Marragi ma i dipajadi.

LUKAS 12:1

Marribu halak na marsisohan jabat adong na tardege-dege patna i. Jadi taran marrongoman jolma i mandok hata ma Jesus, lumobi tu angka siseanNia i, “Jago ma hamu maradopkon ragi ni halak Parise, i ma pangalancapon ni halahi.

MATEUS 16:12

Ujungna gabe diboto halahi ma astuan ni na nidokNia i. Disuru Jesus pe halahi manat-manat nada na mandok taringot tu ragi na nipake laho mambaen roti. Tapi taringot tu pangajaran ni halak Parise dohot Saduse do.

MALEAKI 2:12

Padiar dipangabis Tuhan sian undung-undung ni si Jakob sude pomparan na mambaen si songon i, haru pe dioban ia haul tu Tuhan Na Markuaso i.

PANGARATAION 16:5

Angka pahan-pahanan na nipake tu Pesta Paskah i angkon disambol di inganan paribadatan na sada i do i jana nada tola di inganan na asing di sandok tano na giot silehenon ni Tuhan di hamu. Angkon patupaonmunu ma i di halulusut ni mataniari, laing songon di hatiha na manadingkon Mesir hamu.

HAMALIMON 17:14

Ngolu ni ganop na mangolu, di bagasan mudarna do. Hara ni i ma dibaen diantahi Tuhan halak Israel mangankon juhut na laing marmudar dope. Ganop halak na mangkarejohon karejo na nirarang, nada nietong be i halak ni Debata.

HAMALIMON 17:10

Muda adong sahalak Israel sanga sahalak na leban na dung honok rap dohot halak Israel, mangankon juhut na marmudar dope, gabe aloon ni Tuhan ma halahi, jana nada etongon be ia sada sian halakNia.

HARURUAR 31:14

Angkon pasangapanmunu do Ari Sabat, angke ari na badia do i di hamu; sanga ise mangalanggar habadiaan ni Ari Sabat i, simatehonon noma i; angke sanga ise na mambaen karejo di ari i, siagohononkon do i sian tonga-tonga ni bangsomunu.

LUKAS 2:43

Dung abis pesta mulak be ma halahi, tapi anggo Jesus laing tinggal dope Ia di Jerusalem di na so pamotoan ni simatobangNia.

HARURUAR 30:33

Sanga ise mambaen miak na songon i, sanga mamakesa sanga na tu ise pe na so malim, nada sietongon be i songon sahalak sian bangsongKu.”

2 JUJUR TAON 30:21

Pitu ari lolotna, di bagasan jop ni roha godang, pitu ari lolotna angka jolma na marlagut di Jerusalem i mamestahon Ari Pesta Ni Roti Na So Marragi i. Ganop ari sai dipuji-puji halak Levi dohot angka malim i ma Tuhan sian situtu ni rohana be.

ESRA 6:22

Pitu ari lolotna halahi marjop ni roha mamestahon Pesta Ni Roti Na So Marragi i. I noma jop ni roha ni halahi hara ni na nibaen ni Tuhan marburju ni roha raja ni Asur tu halahi gabe diurupi halahi di bagasan karejo na mambangun mangulahi Bagas Ni Tuhan, Debata ni Israel i.

HARURUAR 13:3

Didok si Musa ma tu halak Israel, “Ingot hamu ma ari on ari haruruarmunu sian Mesir inganan parhatobanonmunu. On ma arina Tuhan paluahon hamu marhite kuasoNia na godang i. Ulang pangan hamu roti na marragi.

HARURUAR 30:38

Sanga ise na mambaen na huskus sisongon i nada sietongon be songon sada halak sian bangsongKu.”