HARURUAR 11:8 - BIBEL JAMITA NA DENGGAN

⁸ Dung i didok si Musa ma muse, “Sude angka menterimu, angkon unduk di jolongku mangido, anso kehe au maroban sude bangsongki. Dung i pe anso kehe hami.” Mardongan muruk situtu, ditinggalkon si Musa ma raja i.

HARURUAR 11:8 Referans Kwoze

DANIEL 3:19

Jadi gilap ma roha ni Raja Nebukadnesar maradopkon si Sadrakh, si Mesakh dohot si Abednego, jana marrarai bohina. Diparentahon ia ma anso dibaen purunan api na ummilas pitu lompit sian na somal.

JEHESKIEL 3:14

Sun ma gogona didapotkon kuaso ni Tuhan i au jana taran na diangkatNa i au lalu dioban tondiNa i, paet jana milas ma huhilala ate-atengku.

HALUMBAAN 3:9

Ligi ma! Huboan ma tu hamu angka halak sian punguan ni Sibolis, angka na manggoari dirina halak Jahudi, hape nada tutu nian, pargabus do halahi. Baenonku ma halahi marsinggang di jolo ni patmu, jana botoon ni halahi ma na holong do rohangKu mida hamu.

MARKUS 3:5

Marsak ma Jesus hara ni pir ni roha ni halahi. Jadi muruk ma Jesus marnida halahi na humaliang i, didok Ia ma tu bayo i, “Pahortang ma tanganmi!” Dipahortang ia ma tangannia i dung i gabe malum ma.

JESAYA 49:26

PaksaonKu ma angka jolma na manindas ho, mangankon sibukna sandiri, jana mabuk manginum mudarna sandiri, songon halak na mabuk minum anggur na imbaru. Gabe botoon ni jolma manusia ma, Au do Tuhan na paluahon ho, Na Gumogo, Debata ni si Jakob manobus ho.”

JESAYA 49:23

Gabe songon ama di ho angka raja, jana angka ratu songon ina. Marsomba ma halahi tu ho lopus dais bohina tu tano jana mandilat abu ni patmu. Hara ni i botoonmu ma bahaso Au do Tuhan, angka halak na mararop ni roha di Au nada dipaila.”

MASMUR 6:1

Tuhan, ulang muruk Ho jana ulang tulakkon au, ulang uhumi au di bagasan muruk ni rohaMu.

2 RAJA-RAJA 3:9

Jadi kehe ma Raja Joram rap dohot raja ni Juda dohot raja ni Edom. Jadi dung jabat pitu ari halahi na mardalan i, abis ma aek, gabe nada adong be inumon ni parangan dohot binatang na nibobanan.

1 RAJA-RAJA 20:10

“Suruon ni rajanami i ma tentara bahat sajo laho mangarorak kotamon, jana taroban halahi do abu ni tapor-tapor ni kotamon dohot tangan ni halahi. Madung disumpahon ia anso diuhumi debata i, salang dimatehon pe jadi, anggo inda dipatulus ia songon i!”

HAKIM-HAKIM 8:5

Dung i lalu ma halahi di Sukot. Didok si Gideon ma disi tu halak kota i, “Tolong hamu ma jolo mangalehen saotik panganon di anak buakon. Ma loja sajo halahi hapengani na mangkojar si Zebah dohot si Salmuna raja ni Midian dope.”

HAKIM-HAKIM 4:10

Jana diarahon si Barak ma Marga Zebulon dohot Naftali tu Kedes. Adong ma sampulu ribu halak bahatna di hatiha i na mangihutkon si Barak dohot si Debora.

PANGARATAION 32:24

Marmatean ma halahi baenon ni arun dohot na malean disintak hamatean hara ni nyae sihabiaran. Marroan binatang panyoro manjomahi ulok na marbisa mambaen mangangguhi halahi.

PANGARATAION 29:24

Jadi gabe sapa-sapa ma na satano on, ‘Biasi songon i ulaning dibaen Tuhan tu tano ni halahi i? Aha do mambaen songon i jabat murukNia?’

BILANGAN 12:3

Sada halak na toruk roha do si Musa, tumoruk do rohania sian sude jolma na adong di ginjang tano on.)

IBRANI 11:27

Hara ni haporsayaanna, gabe ditadingkon si Musa do tano Mesir so pola mabiar ia mida raja i na topet muruk marsitutu. Torus ditustus ia do dalannia songon na dung niidania Debata na so tarida i.

HARURUAR 10:29

“Songon na nidok ni raja i,” ninna si Musa, “nada idaon ni raja i be au.”

NEHEMIA 5:6

Pabege-bege holos ni halahi i, gabe sun ma murukku,