HARURUAR 11:3 - BIBEL JAMITA NA DENGGAN

³ Dibaen Tuhan ma halak Mesir i mabiar mida halak Israel. Si Musa pe gabe halak na sangap situtu ma diida angka menteri dohot sude rayat i.

HARURUAR 11:3 Referans Kwoze

HARURUAR 12:36

Gabe mardenggan ni roha do halak Mesir i mida halak Israel dibaen Tuhan. Dilehen halahi do sanga aha na nipangido ni halak Israel. Songon i ma pardalanna gabe dioban halak Israel sinadongan ni halak Mesir i haruar sian luat i.

HARURUAR 3:21

Pasangapon ni halak Mesir i ma hamu baenonKu, di hatiha hakekehe ni bangsongKi, nada rumar tangan ni halahi.

HALUMBAAN 3:9

Ligi ma! Huboan ma tu hamu angka halak sian punguan ni Sibolis, angka na manggoari dirina halak Jahudi, hape nada tutu nian, pargabus do halahi. Baenonku ma halahi marsinggang di jolo ni patmu, jana botoon ni halahi ma na holong do rohangKu mida hamu.

JESAYA 60:14

Ro ma angka dakdanak ni na mamparkanciti ho marsomba tu jolomu na dung jungada mangalayasi ho mamparsangapi jana tunduk, ‘Sion, Kota Ni Debata Na Badia ni Israel’, ‘Kota Ni Tuhan’, songon i ma ho nigoaran.

MASMUR 106:46

Disosoi Ho roha ni sude alona, gabe maribo roha paida-idasa.

PAMUNGKAAN 39:21

Tapi didongani jana dipasupasu Tuhan do si Josep, jabat gabe jop roha ni kapala ni hurungan i mida ia.

BAENON NI ANGKA RASUL 7:22

Sudena parbinotoan ni halak Mesir diajarkon do tusia jana gabe halak na marsahala situtu do ia muda mandok hata dohot mambaen sanga na aha.

ESTER 9:4

Sude do halak na di harajaan i mamboto sanga songon dia pangaruh ni si Mordehai di bagas godang jana mur martamba-tamba do kuasonia.

2 SAMUEL 7:9

Ma pola Hudongani ho sanga na tu dia pe ho kehe jana Hupangabis do sandok musumu di parporanganmu. Jana giot baenonKu ho tarbonggal situtu tudos tu angka pamimpin na gumodang di tano on.

PANGARATAION 34:11

Nada unjung adong panurirang na asing mambaen tanda hahomangan dohot na so haastuan songon na nibaen ni si Musa i maradopkon sude tano Mesir, rajana maradu angka menterina hombar tu parenta ni Tuhan.

PAMUNGKAAN 12:2

Hulehen pe bahat di ho pomparanmu jana gabe bangso na godang ma halahi. Hupasupasu pe ho jana tarbonggal pe goarmu Hubaen, lopus gabe pasupasu ho di halak na bahat.

HARURUAR 12:35

Dipatulus halahi do songon na nidok ni si Musa; dipangido halahi do barang sere, perak dohot pakean sian halak Mesir i.

PANGARATAION 34:10

Nada adong dope di Israel sada panurirang songon si Musa na paadop-adop mangkobari dohot Tuhan.

JOSUA 4:14

Dibaen Tuhan ma di ari i angka pangalaho na mambaen bangso Israel manjujung si Josua gabe halak na godang. Dipasangap halahi ma si Josua, salolot mangolu ia songon na diparsangapi ni halahi si Musa.