HARURUAR 10:21 - BIBEL JAMITA NA DENGGAN

²¹ Didokkon Tuhan ma tu si Musa, “Angkat ma tanganmu tu langit, gabe golap bulita ma tano Mesir.”

HARURUAR 10:21 Referans Kwoze

JUDAS 1:6

Laing ingot hamu ma angka surusuruan na so mangargahon jabatan ni halahi, na gabe kehe halahi manadingkon ingananna. Dipasung Debata do angka surusuruan i dohot hayu na so ra sego salolot-lolotna, di inganan na golap situtu. Torus ma halahi disi ditahan lopus nidabu uhum tu halahi di Ari na godang i.

2 PETRUS 2:17

Songon mual na mate do angka guru pargabus i jana songon ombun na niombus ni halingsungsung. Madung diparade Debata do di halahi inganan na golap marimpot-impot.

2 PETRUS 2:4

Haru angka surusuruan na mardosa pe nada dipatola Debata malua sian uhuman, tapi ambungkonon do i tu narako. Pamasuhon do halahi tu inganan na golap anso tarhurung disi lopus tu Ari Paruhuman.

LUKAS 23:44

Dung hira-hira pukul dua bolas arian, manggolap ma mataniari. Gabe golap sajo ma luat i lopus tu pukul tolu andospotang,

MARKUS 15:33

Dung tonga ari gabe golap ma sude luat i tolu jom honokna.

MATEUS 27:45

Mamungka kotu, tolu jom honokna, golap ma sude luat i.

PODA 4:19

Sabalikna, anggo dalan ni halak na jahat golap do songon golap ni borngin. Tinggang ma halahi nada dibotosa sanga hara ni aha.

MASMUR 105:28

Dipamasa Tuhan di luat i golap marimpot-impot, hape dialo bangso Mesir do parentaNia.

PANGARATAION 28:29

Dadap-dadap ma ho di arian raya songon halak na mapitung, hape nada dapot ho dalan. Sai marpupu ma ho hona hapit jana hona rampas, jana sada halak pe nada adong na mangurupi ho.

HARURUAR 9:22

Dung i didok Debata ma tu si Musa, “Baen ma tanganmi adop langit jana madabu ma ambolas di sude tano Mesir. Tinggangon ni ambolas i ma jolma, pahan-pahanan dohot sude suan-suanan na di ladang i.”

JUDAS 1:13

Laing tarsongon ombak ni laut na margubo-gubo, laing songon i ma halahi paila-ilahon markite-hite angka parange ni halahi. Songon angka binatang na mardalan di ramba i do halahi jana na dung diparade Debata do inganan di halahi salolot-lolotna di hagolapan na jumorbut.

PARJAMITA 6:4

Harana anggo di dakdanak i nada gabe soal sanga ditubuhon ia sanga nada; kehe ia tu bagasan hagolapan, jana torus dihalupahon.

PARJAMITA 2:14

Diida halak na pistar do dalan na nitujuna; halak na oto songon na mardalan di na golap.’ Tapi laing huboto muse do na sarupa do jambar na mandondoni halahi sudena.

MASMUR 78:49

Saluhutan surusuruan parohon bala! RimasNia na jorbut mambaen halahi putus asa.

MASMUR 35:6

Padiar ma dikojar Surusuruan Ni Tuhan halahi, di dalan na golap jana na landit.

HALUMBAAN 8:12

Dung i diombus surusuruan na paopatkon i ma sarunenia. Gabe hona ma sapartolu mataniari i, sapartolu bulan dohot sapartolu sian angka bintang gabe mago ma sapartolu gogo ni sinondang ni halahi. Laing songon i muse sapartolu sian arian dohot sapartolu sian borngin gabe manggolap situtu.

HARURUAR 7:19

Didok Tuhan ma tu si Musa, “Suruhon ma si Harun mambuat tungkotnia jana dipagistang ia ma i tu ginjang ni sude batang aek, tu angka bondar-bondar dohot angka tobat na di Mesir. Gabe mudar ma aekna i, jana sap mudar ma sude luat i, lopus tu bagasan tong hayu dohot sambong batu pe sap ma mudar.”

JEHESKIEL 32:7

Taran Huabisi ho, holipanKu ma langit jana angka bintang pe rambon baenonKu. Mataniari i Hubunihon di balik ni ombun jana bulan i pe nada marsinondang.

PANGARATAION 1:30

Tuhan Debatamunu do mamimpin hamu dohot marporang humopkop hamu songon na dung niidamunu sandiri di Mesir

PANGARATAION 4:34

Jungada ma he adong sada debata na puluk mambuat sada bangso sian bangso na asing lalu mambaen halahi bangsonia sandiri, songon na nibaen ni Tuhan Debatamunu di hamu di Mesir? Diida hamu sandiri do sanga songon dia godang ni hagogoon ni Debata parohon parmaraan dohot porang, mambaen angka hahomangan dohot patuluskon angka pangalaho na jorbut.

JOB 5:14

Dapot manggolap halahi di tonga ari, gapa-gapa songon di golap ari.