HARURUAR 10:2 - BIBEL JAMITA NA DENGGAN

² anso tarcaritohon ho i tu anakmu dohot tu pahompumu sanga songon dia Hubaen marmayam-mayamkon bangso Mesir marhite hahomangan na dung Hubaen di tonga-tonga ni halak i. Sude ma hamu mambotosa, bahaso Au do Tuhan.”

HARURUAR 10:2 Referans Kwoze

JOEL 1:3

Caritohon hamu ma na masa i tu angka dakdanakmunu; anso dipalalu halahi muse tu dakdanakna caritomunu i. Sundut na mangihut pe angkon botoonna muse, jana paudutonna tu sundut na di pudina be.

PANGARATAION 4:9

Parrohahon jana denggan ingot hamu, anso ulang lupa hamu sapanjang mangolu di sude na nisaksihonmunu sandiri. Baritahon hamu ma i di pomparanmunu,

HARURUAR 13:14

Muda disapai anakmu di pudian ni ari sanga aha astuan ni pesta on, angkon alusanmunu songon on, ‘Marhite hagodangan ni kuaso ni Tuhan do, na maroban hita ruar sian Mesir inganan parhatobananta i.

MASMUR 44:1

Hami bege sandiri do, ale Debata, holong ni roha na nibaritahon ni ompunami, taringot tu hagodangan ni karejo na nipatulusMu di hatiha na salpu di na robi.

HARURUAR 7:17

Saonnari, Na Marmulia i Tuhan mandok, botoon ni raja i ma sian na giot baenonNia, sanga ise Tuhan i. Ligi da, lipatonku ma aek ni batang aek on dohot tungkot on, jana muba ma aek i gabe mudar.

EPESUS 6:4

Hamu angka dongan na dung mardakdanak! Ulang ma baen hamu na so patut tu dakdanakmunu anso ulang gabe muruk halahi. Tapi gumonan do ajari hamu halahi di aturan dohot pangajaran ni Tuhan.

JEHESKIEL 20:28

Huoban ma halahi tu tano na dung Hujanjihon tu halahi. Di na niida ni halahi angka dolok na gincat dohot angka hayu na rumbun, dipelehon halahi ma haul tu sude hayu dohot dolok i. Dialap-alapi halahi ma anso muruk au marhite angka haul situtungon dohot pelean anggur ni halahi i.

JEHESKIEL 20:26

Hupadiar noma halahi pahodar dirina marhite haul ni halahi sandiri, salang angka anak siangkaan ni halahi dipelehon halahi. Songon i ma Hubaen manguhumi halahi anso diboto halahi Au do Tuhan.

MASMUR 71:18

Lopus matobang au tehe jana ubanon, ale Debata, ulang ma au tadingkon, lopus hubaritahon kuaso dohot godang ni sahalaMu, tu sude pomparan na giot ro.

MASMUR 58:11

Dokkonon ni halak ma, “Dapotan pahalo do da antong halak na denggan, tutu do i, adong do Debata na manguhumi di portibi on.”

HARURUAR 7:5

Dung i botoon ni halak Mesir i ma bahaso Au do Tuhan, di hatiha Huuhumi halahi jana Huoban Israel haruar sian luat ni halahi.”

2 SAMUEL 7:22

Na godang situtu do Ho antong, ale Tuhan Debata. Nada adong tudosanMu, jana sian najolo do hami boto, hum sasada Ho do Debata.

HARURUAR 8:6

Dung i dipahortang si Harun ma tungkotnia di ginjang ni sude aek i, gabe marroan ma angka tohuk manggohi luat i.

HARURUAR 14:4

Jogal do baenonKu rohania anso gabe diayak-ayak ia hamu. Hamonanganmunu maradopkon raja ni Mesir dohot tentarania i ma mambaen halak pagodangkon Au. Gabe botoon ni halak Mesir i ma, Au do Tuhan.” Dipatulus halak Israel do songon na nidok ni Tuhan tu halahi.

HARURUAR 14:18

Di na Hutaluhon halahi disi ma tandaon ni halahi bahaso Au do Tuhan.”

MASMUR 44:2

Ho sandiri do paorotkon angka bangso anso hot bangsoMi di tano ni halahi. Diago Ho do angka bangso na asing i, hape anggo bangsoMi dipadiar Ho do mamopari.

MASMUR 78:3

Angka pangalaho na hita bege dohot na hita jagit, na niturihon ni angka ompunta sijolo-jolo tubu.

JESAYA 38:19

Hum jolma na mangolu do na mamuji Ho, songon na hupatupa sadari on. Dibaritahon na matobang tu dakdanakna sanga songon dia burju ni rohaMu.