HARURUAR 10:1 - BIBEL JAMITA NA DENGGAN

¹ Didok Debata ma tu si Musa, “Kehe ma ho mangadop tu raja i. Madung Hubaen jogal rohania dohot roha ni angka menterinia i, anso tarbaen Au patidahon angka tanda hahomangan di tonga-tonga ni halahi,

HARURUAR 10:1 Referans Kwoze

HARURUAR 4:21

Didok Debata ma tu si Musa, “Madung Hulehen di ho kuaso mambaen angka tanda hahomangan. Jadi dung mulak ho tu Mesir sanoli on, angkon baenonmu do sude tanda hahomangan i di jolo ni raja Mesir i. Tapi mur patangkangonKu do rohana, gabe nada loasonnia kehe bangso i.

SURAT NI SI PAULUS TU PARLAGUTAN ROM 9:17

Angke Buku Na Badia i mandok tu raja ni Mesir, “Hubaen pe ho gabe raja, na adong do sada maksudKu, i ma laho patuduhon kuasongKu markite-hite ho jana mambaen tarbonggal goarKu di portibi on sudena.”

HARURUAR 3:20

Jadi patidahononKu ma kuasongKu, jana uhumonKu ma halak Mesir i marhite angka bala na jorbut tu halahi. Dung i loasonnia ma hamu kehe.

MASMUR 7:11

Panguhum na tigor do Debata, sai hona uhumNia do halak na jahat.

1 SAMUEL 4:8

Anggo on mago ma hita! Ise dope tarbaen paluahon hita sian Debata Na Gumogo i? Nada he Debata i do na mamunu halak Mesir di parhorsihan i najolo?

HARURUAR 9:27

Dung i disuru raja i ma anso dipio si Musa dohot si Harun, ninna ma, “Madung mardosa au sanoli on. Tigor do Tuhan i tapi au do dohot rayatku na marsala.

HARURUAR 9:16

Tapi Hupadiar dope mangolu hamu laho patidahon kuasongKu tu hamu, anso tarbonggal goarKu tu sude portibi on.

HARURUAR 7:4

Hara ni i ma angkon uhumanKu Mesir dohot angka uhum na dokdok, dung i obanonKu ma bangso Israel bangsongKi haruar sian luat i.

JOHANNES 12:40

“Hupapitung do mata ni halahi, jana Hupagolap pikiran ni halahi; lopus nada marnida mata ni halahi, jana nada marbuka pikiran ni halahi. Anso ulang mulak halahi tu Au, gabe Hupamalum halahi muse.”

SURAT NI SI PAULUS TU PARLAGUTAN ROM 9:18

Jadi, maribo ni roha do Ia tu sada-sada halak, muda por rohaNia mambaen songon i. Jana dipapir Ia do roha ni sada-sada halak, muda giot baenonNia songon i.

HARURUAR 9:12

Tapi dipajogal Tuhan do roha ni raja i, jana songon na nidok ni Tuhan hian, nada tangihonon ni raja i si Musa dohot si Harun.

JOSUA 11:20

Dipajogal Tuhan do roha ni halahi laho marporang mangalo angka halak Israel, anso hona pusa halahi jana dibunu sude nada adong ampunanna. Songon i do parenta ni Tuhan tu si Musa.

HARURUAR 10:20

Tapi dipajogal Tuhan do roha ni raja i, jana nada diloas Ia kehe halak Israel i.