HARURUAR 1:20 - BIBEL JAMITA NA DENGGAN

^20-21 Dung i dibaen Debata ma na denggan tu angka bidan i, dilehen ma pomparan ni halahi, angke halak na mabiar mida Debata do halahi. Jana halak Israel pe mur mabahat dope jana mur gogo.

HARURUAR 1:20 Referans Kwoze

PARJAMITA 8:12

Haru pe dibaen sada pardosa saratus hajahatan, laing totop do ia mangolu jana umurna ginjang. Ninna, sanga ise na mangoloi Debata, mur maradu mura do ngoluna.

JESAYA 3:10

Dokkon ma martua halak na tigor! Harana panganan ni halahi ma suha ni parkarejoanna.

PODA 11:18

Halak na jahat nada pasti hauntunganna; halak na denggan pasti pasupasuonna.

IBRANI 6:10

Nada Debata na so tigor. Nada halupahononNia sanga aha na denggan na nibaenmunu tuSia. Sai na ingotonNia do holong ni roha na nipatuduhonmunu tuSia di bagasan pangurupionmunu na nipasahatmunu maradopkon angka dongan Kristen na asing i. Jana lopus saonnari pe laing dilehen hamu do pangurupion i.

MASMUR 111:5

Dilehen Ia rasoki di halak na burju marugamo, jana na sai marningot di janjiNia.

LUKAS 1:50

Sian sundut tu sundut do holong ni rohaNia maradopkon halak na mabiar tuSia.

MATEUS 25:40

Alusan ni Raja i ma, ‘Ingot hamu ma on: Hatiha dibaen hamu songon i tu sada halak sian angka kahanggingKu na umdangol i, etongon na tu Au do i dibaen hamu!’

MATEUS 10:42

Sanga ise na mangalehen minum, hum samangkuk aek ngali pe tu sahalak sian angka na menek on hara ni siihutkon Au halahi, angkon dapotan balos do halahi. Songon i ma satutuna!”

PODA 19:17

Mangurupi halak na pogos tudos do na pasalihon tu Tuhan; laing Tuhan muse ma na paulakkon.

MASMUR 145:19

Dipasonang Ia do roha ni angka na burju marugamo, ditangihon Ia do pio-pio ni halahi jana dipalua Ia.

MASMUR 103:11

Tapi songon gincat ni langit di ginjang tano on, songon i ma godang ni holong ni rohaNia di halak na hot porsaya.

MASMUR 85:9

Tutu ma da, na maringanan Debata na godang di tanonta, jana madung hobas paluahon halak na burju marugamo.

MASMUR 61:5

Angke madung ditangihon Ho janjingku, ale Debata, jana madung dilehen Ho di au angka na patut di ganup na porsaya tu Ho.

HARURUAR 1:12

Tapi mur diparkanciti halak Mesir i halak Israel, mur mabahat do halahi, jana mur digohi halahi luat i, pola tehe mur mabiar halak Mesir i mida halahi.

HARURUAR 1:7

Anggo pomparan ni halahi, i ma angka halak Israel, maranak marpahompu bahat situtu, jana bilangan ni halahi pe mur martamba-tamba, pola sude luat i digohi halahi.

HARURUAR 1:19

Dialusi halahi ma, “Nada songon ina-ina ni halak Mesir anggo ina ni halak Ibrani i. Momo do halahi mardakdanak. Taran so ro dope bidan, madung sorang dakdanak i.”