HARURUAR 1:14 - BIBEL JAMITA NA DENGGAN

¹⁴ mambaen ngolu ni halahi markancit. Saotik pe nada adong ibo ni roha di halahi, dipaksa do halahi markarejo di angka proyek pambangunan dohot di ladang-ladang.

HARURUAR 1:14 Referans Kwoze

BAENON NI ANGKA RASUL 7:19

Jadi diakal-akali raja i ma halak hita i, diparkanciti ia ma angka ompunta i. Dipaksa ia ma ambungkononkon angka dakdanak ni halak hita na baru sorang anso ulang mur mabahat halahi.

BILANGAN 20:15

Na kehe do ompunami tu tano Mesir jana maringanan disi martaon-taon honokna. Nada denggan pambaenan ni halak Mesir i tu ompunami dohot tu hami pe,

HARURUAR 6:9

Sude Tona Ni Tuhan i dipabolkas si Musa do tu bangso Israel, tapi nada ditangihon halahi be si Musa dibaen madung mandele halahi patunda ni hancitna parhatobanan i.

HARURUAR 2:23

Dung sanga piga-piga taon honokna, raja Mesir i pe mate ma. Tapi anggo halak Israel tongtong do marhoi-hoi hara ni na diparhatoban, pola tehe gogo sora ni halahi mangido tolong. Lalu ma angguk-angguk ni halahi tu Debata.

BAENON NI ANGKA RASUL 7:34

Madung Huida jana Huparrohahon hapaeton ni parkancitan na nitaon ni bangsongKi di tano Mesir. Madung Hubege holos ni halahi jana mijur ma Au laho paluahon halahi. Beta ma saonnari! SuruonKu ma ho mangulahi tu tano Mesir.’

JESAYA 58:6

Songon on do puaso na Huhagioti: Harkari hamu ma rante ni hajahatan dohot tali ni angka auga, jana palua hamu angka halak na niparkancitan ponggolkon hamu ma sude auga.

MASMUR 81:6

“Madung Hubuat boban sian tangkuhukmu, Hutalduskon do lanjaan ni boban sian abaramu.

NAHUM 3:14

Timbai ma aek simpanan lopus tuk pakeonmu salolot hona hobuk ho, jana patogu ma angka bentengmu! Lonca-lonca ma bustak, mambaen batu bata, jana pasingkop ma tuanganna.

MIKA 3:3

Dipolgak hamu do bangsongKi. Disibak-sibak hamu bobakna i jana ditapor hamu holi-holina i. Diponggol-ponggol hamu halahi songon na mananggoi juhut laho pamasukkon tu bagasan huali.

JESAYA 52:5

Tapi saonnari, aha dope urusanKu di son? BangsongKu madung dirampas songon i sajo. Halahi na markuaso tusia, madung manyombong, songon i ma didok Tuhan, jana goarKu torus dipabile halahi ganop ari.

JESAYA 51:23

Hulehen noma i tu na mamparkanciti ho, halak na mandokkon tu ho: Unduk ma, anso hami dege hamu! Gabe dipahortang ho ma lopus dosdos dohot tano, jadi mamolus ma jolma sian ginjangna.”

JESAYA 14:6

na manyosak marhite murukna jana sai torus mamparhanciti angka bangso na nitaluhonna.

RUT 1:20

“Ulang goari au si Naomi,” ning si Naomi, “si Mara ma au goari hamu, angke madung dipadiar Debata Na Markuaso i do au mangolu gok hapaeton.

PANGARATAION 26:6

Na porsuk do pambaen ni halak Mesir tu hami jana dipaksa do hami markarejo songon hatoban.

PANGARATAION 4:20

Tapi anggo hamu bangso na nipaluaNia do sian Mesir, inganan liang bosi di hamu. Dioban Ia do hamu haruar sian luat i, anso gabe bangsoNia sandiri, songon na masa di hamu saonnari.

HAMALIMON 25:53

Songon na dung disuru, karejo ma ia gabe upaan na nigarar sasataon. Nada tola kasar pangalaho ni tuanna tusia.

HAMALIMON 25:46

tola muse teanon ni dakdanakmu gabe hatoban ni halahi salolot mangolu. Tapi tu halak Israel nada tola baenonmunu na songon i.

HAMALIMON 25:43

Jadi halak Israel na gabe hatobanmu nada tola marpangalaho na kasar ho tusi. Habiari ma Debata.

HARURUAR 20:2

“Au do Tuhan Debatamu, na maroban ho ruar sian tano Mesir, sian tano parhatobanan i.

HARURUAR 1:13

Gabe mur jahat ma halak Mesir i mamparkanciti halak Israel,

PAMUNGKAAN 15:13

Didok Tuhan ma tusia, “Gabe paisolat ma pomparanmu di luat na asing; gabe hatoban ma halahi disi jana taonon ni halahi ma na hancit opat ratus taon honokna.

HARURUAR 1:11

Dung i diangkat halak Mesir i ma angka mandur ni parkarejo tu halak Israel laho mamparkanciti halahi. Angka halak Israel disuru karejo paksa, pauli angka kota inganan ni parbalanjoan di raja i, i ma kota Pitom dohot kota Ramses.

HARURUAR 1:15

Dung i ninna raja Mesir i ma tu angka bidan na manolong angka ina ni halak Ibrani di na laho manubuhon dakdanak. Bidan i na sada margoar si Sipra, na sada nari margoar si Pua.

1 RAJA-RAJA 12:14

songon sipaingot na nilehen ni angka halak na umposo i tusia, “Madung dilehen damang tu hamu tanggungan na dokdok, tapi anggo au, tambaanku dope anso umborat tanggungan i. Dilibas ia do hamu dohot hotang, tapi anggo au sambohonku noma hamu dohot loncing-loncing na marduri!” ning ia.

PODA 28:15

Parjahat na markuaso tu halak na marhahurangan, songon singa na marngaur sanga songon gompul na manyoro do i.

MASMUR 129:1

Pajojor ma ale Israel, hancit ni na nitaonmu, na dibaen ni musu mamungka sian haposoonmu.

JESAYA 10:24

Didok Tuhan, Tuhan Na Markuaso i do tu bangsoNia na maringanan di Sion, “Ulang mabiar hamu mida halak Asur, haru pe dipisat halahi hamu, songon na nibaen ni halak Mesir tu hamu najolo.