HAMALIMON 9:23 - BIBEL JAMITA NA DENGGAN

²³ Dung i masuk ma si Musa dohot si Harun tu Bandar Parmianan Ni Tuhan, di hatiha haruar halahi, dipasupasu halahi ma na bahat i. Marsinondang ma inganan ni Tuhan silo sinondangna diida na bahat i.

HAMALIMON 9:23 Referans Kwoze

HAMALIMON 9:6

Dung i didok si Musa ma, “Sude hamu madung disuru Tuhan i mambaen songon on, anso tarligi hamu sinondang na silo i na ro sian inganan ni Tuhan.”

BILANGAN 16:19

Dung i dipalagut si Korah ma sude na bahat i, dung i jongjong ma halahi paadop-adop dohot si Musa dohot si Harun di pintu ni Bandar Parmianan Ni Tuhan. Tompu ma tarida di sude na bahat i sinondang haroro ni Tuhan Debata manyirlak-nyirlak mambaen silo.

BILANGAN 16:42

Dung rap dialo halahi si Musa dohot si Harun, manaili ma halahi tu Bandar Parmianan Ni Tuhan. Diida halahi ma ombun manutup Bandar Parmianan jana tarida ma sinondang haroro ni Tuhan manyirlak-nyirlak pola gabe silo.

BILANGAN 14:10

Sude halahi mangancam giot mandangguri halahi na opat dohot batu lopus mate. Hape tompu ma diida angka jolma i sinondang na silo situtu sian Inganan Ni Tuhan, ruar sian ginjang ni Bandar ParmiananNa i.

HARURUAR 39:43

Dipareso si Musa ma sudena i jana diida ia ma bahaso na dung tumbuk sudena dibaen laing songon na niparentahon ni Tuhan. Jadi dipasupasu si Musa ma antong halahi.

2 JUJUR TAON 7:1

Dung sidung Raja Salomo na martangiang i, mijur ma api sian langit manutungi angka haul na dihaulkon i tu Tuhan. Jana digohi sinondang ni parmianan ni Tuhan ma Bagas Ni Tuhan i,

HARURUAR 16:10

Hatiha mangkobari dope si Harun tu bangso i sude, humusor ma halahi adop parhorsihan, jana tompu ma diida halahi sumirlak sinondang ni Tuhan di bagasan ombun i.

HAMALIMON 9:4

Dung i na gabe haul haluaan angkon obanon ni halahi sada lombu jantan dohot sada hambeng jantan. Pasahaton ma sudena i tu Tuhan rap dohot haul gandum na nicampur dohot miak. Angkon baenon ni halahi songon i, angke di ari i ma ro Tuhan manopot halahi.”