HAMALIMON 8:6 - BIBEL JAMITA NA DENGGAN

⁶ Disuru si Musa ma si Harun dohot angka anakna i tu jolo, jana disuru ia halahi mamasu diri ni halahi mangihutkon ugamo.

HAMALIMON 8:6 Referans Kwoze

EPESUS 5:26

Dibaen Kristus do songon i anso tarpaias Ia parlagutan i dohot ajaranNia bope markite-hite aek pandidion, anso tarpasahat Ia muse parlagutan i tu Debata.

1 KORINTUS 6:11

Songon i hian do deba sian hamu najolo. Tapi anggo saonnari madung dipaias hamu sian dosa, madung diparbadiai, jana madung dipatigor hamu di bagasan goar ni Tuhan Jesus Kristus dohot di bagasan Tondi Ni Debatanta.

HARURUAR 29:4

Suruhon ma si Harun dohot angka dakdanaknia i ro tu pintu ni Bandar ParmiananKi jana paias diri ma halahi hombar tu upacara ni ugamo.

JEHESKIEL 36:25

Dung i pispisonKu ma hamu dohot aek na lan, anso ias hamu sian sude gana-ganaanmunu dohot sian sasude na pahodarkon hamu.

JESAYA 1:16

Basu hamu ma jolo dirimunu lopus ias. Antak hamu ma sude hajahatan na nibaenmunu i. Olo, ulang be didatdati hamu mambaen na jat,

MASMUR 51:7

Buat ma dosangki, gabe ias ma au; basu ma au, jadi gabe umbontar ma au sian hapas.

MASMUR 51:2

Basu ma sude hajahatanku paias ma au sian sude dosangku.

MASMUR 26:6

O Tuhan, hubasu tanganku tanda na so marsala au, jana dohot au mardalan manghaliangi langgatanMu,

HARURUAR 40:12

Dung i angkon suruonmu do si Harun dohot angka anaknia ro tu pintu ni Bandar Parmianan jana marpangir ma halahi mangihutkon upacara ugamo.

HARURUAR 30:19

Jadi angkon sian aek na disi i ma si Harun dohot angka dakdanaknia mamasu pat dohot tangan ni halahi.

HALUMBAAN 7:14

Jadi hualusi ma, “Tuanku, ho do na umbotosa.” Dung i didok ia ma tu au, “Halak on ma angka na malua sian hasusaan na godang i. Madung dibasu halahi baju juba ni halahi jana bontar dibaen mudar ni Anak Ni Biri-biri i.

IBRANI 10:22

Antong hara ni i, tapadonok ma tu Debata mardongan roha na bulus dohot haporsayaan na tutu tu Debata; bope dohot roha na dung dipaias sian pangkilalaan na sala, bope dohot pamatang na dung nipaias dohot aek na lan.

IBRANI 9:10

Harana anggo angka upacara na songon i na marpardomuan tu sipanganon sajo do i dohot siinumon bope angka ragam-ragam ni upacara na mambaen ias. Hum angka Tona na tarida do na mardalan i lopus tu hatihana sanga andigan baenon ni Debata haimbaruan.

ZAKARIA 13:1

“Di ari i marbuldak ma sada mual ni aek laho paiaskon pomparan ni si Daud dohot halak na maringanan di Jerusalem sian dosa dohot parsombaan tu gana-ganaan na dung didalankon halahi.

HARURUAR 30:20

Muda laho masuk halahi tu Bandar Parmianan i, angkon basuon ni halahi ma dohot aek i tangan dohot pat ni halahi, anso ulang mate halahi. Laing songon i muse ma muda giot ro halahi tu langgatan i laho mandalankon ibadat bope laho manutung haul na marapi tu Tuhan,

HAMALIMON 8:5

didok ia ma tu halahi, “Giot patulusonku ma saonnari parenta ni Tuhan i.”

HAMALIMON 16:4

Dung i dilehen Tuhan muse dope angka paraturan. Taran so masuk si Harun tu Bilik Na Sun Badia i, angkon maridi ia jolo, dung i dipake ia pakean ni malim, i ma baju dohot saraor pendek sian abit linen, bobat dohot saroben.