HAMALIMON 7:6 - BIBEL JAMITA NA DENGGAN

⁶ Sude halaklahi sian horong ni malim tola do mangankon juhut na nihaulkon i, tapi angkon di inganan na badia do panganonna, angke na sun badia do haul i.

HAMALIMON 7:6 Referans Kwoze

HAMALIMON 6:29

Sude halaklahi sian horong ni malim tola do mangankon haul na sun badia i.

HAMALIMON 2:3

Na lobi sian haul gandum i, i ma bagian ni malim. Na badia do gandum i, angke na nibuat sian panganon na dung nihaulkon tu Tuhan do i.

1 KORINTUS 9:13

Tontu diboto hamu do, anggo halak na markarejo di Bagas Ni Debata, manjagit panganon do halahi sian Bagas Ni Debata. Dohot angka halak na mangurus inganan parkaulan ni haul, dijagit halahi do deba sian haul na nipasahat i disi.

1 KORINTUS 10:18

Ligi hamu ma jolo halak Jahudi i. Anggo halak na manghaulkon sipanganon na nihaulkon di ginjang ni parhaulan i, halak na mardomu do i dohot inganan i.

HAMALIMON 7:5

Angkon tutungon ni malim i ma sude tabo-tabo i di ginjang langgatan gabe haul situtungon di Tuhan. Haul i ma gabe haul partobus ni hasalaan.

JEHESKIEL 42:13

Didok bayo i ma tu au, “Na badia do bangunan na dua i. Disi ma angka malim bolas mangadop tu haroroan ni Tuhan, mangankon angka haul na sun badia. Angkon disi muse ma payakkonon ni halahi angka haul na sun badia i, i ma: Haul gandum dohot haul panyesa ni dosa sanga haul panobus ni hasalaan.

HAGAI 2:12

Sugari rupani adong sada halak na mambuat juhut sian haul na dihaulkon tu Tuhan, lalu dioban ia mulak di pangalompit-lompitan ni baju jubania i, dung i dais muse ma baju jubania i tu roti sanga tu sipamasahon bagi aha pe, sanga tu anggur, sanga miak zetun, sanga tu sipanganon bagi aha pe, gabe badia muse dehe i sudena?” Di na nipalalu ni si Hagai sapa-sapa i, dialusi angka malim i ma, “Nada.”

HAMALIMON 6:11

Dung i angkon gontion ni malim i ma pakeanna lalu maroban abu i tu balian ni bandar, di inganan na ias mangihutkon ugamo.

HAMALIMON 21:22

Tapi tola do panganonnia sian sipanganon na dung dipasahat, i sanga sian haul sipanganon na badia pe i sanga pe sian haul sipanganon na sun badia.