HAMALIMON 7:30 - BIBEL JAMITA NA DENGGAN

³⁰ Angkon obanonnia sandiri ma i gabe haul sipanganon. Tabo-tabo dohot andora ni pahan-pahanan sihaulkonon i, angkon pasahaton gabe silehen-lehen na mardohonan tu Tuhan.

HAMALIMON 7:30 Referans Kwoze

BILANGAN 6:20

Dung i lehenon ni malim i ma sipanganon i gabe silehen-lehen na mardohonan tu Tuhan, haul na badia do on di malim na gabe songon tamba ni andora dohot pat ni biri-biri jantan mangihutkon aturan gabe bagian ni malim. Dung i pe anso tola halak nasir i minum anggur.

HAMALIMON 3:14

Songon haul sipanganon di Tuhan pasahaton ni malim i ma goar-goaran ni juhut ni hambeng na nilapa i. Sude tabo-tabo na mamalut isi ni butuha,

HAMALIMON 3:9

Songon haul sipanganon tu Tuhan angkon sombahonon ni malim i ma goar-goaran ni juhut na nilapa i. Tabo-tabona, sude lalaina na marisi tabo-tabo jana digotap donok tu hayu tanggurungna, tabo-tabo na mamalut butuhana,

2 KORINTUS 8:12

Muda ringgas do rohamunu marsilehen-lehen, jagiton ni Debata do silehen-lehenmunu i marguru tu sinadonganmunu, nada marguru tu na soadamunu.

JOHANNES 10:18

Nada tarbaen sanga ise pe mangarampas hosangKu sian Au. Na rade hian do Au mangalehen hosangKi. Guru di Au do mangalehen i jana marguru di Au do muse laho manjagitsa mangulahi. Jana i ma na nisuruhon ni Debata sibaenonKu.”

MASMUR 110:3

Di ari haroromu mardongan kuaso maju ma rayatmu sian na nionjar ni rohana mardongan habadiaan. Songon ombun manyogot-nyogot marroan angka doli-doli mandapotkon ho.

HAMALIMON 9:21

Andora dohot patna pudi ni binatang i dipasahat gabe silehen-lehen na mardohonan tu Tuhan hara ni angka malim songon na dung diparentahon ni si Musa hian.

HAMALIMON 8:27

Sude angka sipanganon i dibaen tu tangan ni si Harun dohot angka anakna, lalu dipasahat halahi ma i songon silehen-lehen na mardohonan tu Tuhan.

HAMALIMON 8:29

Dung i dibuat si Musa ma andora ni biri-biri i jana disombahon ia ma i gabe haul na mardohonan di Tuhan, i ma bagian ni si Musa sian biri-biri jantan na dihaulkon di hatiha mangangkat malim. Dipatulus si Musa do sudena i mangihutkon na nidok ni Tuhan tusia.

HAMALIMON 10:14

Tapi anggo ho dohot angka anakmu halaklahi bope dadaboru, tola do panganonmu andora dohot pat pudi ni pahan-pahanan na dihaulkon i songon silehen-lehen na mardohonan tu Tuhan di angka malim. Tola do panganonmunu i sanga di dia inganan na ias mangihutkon ugamo. Silehen-lehen na nipasahat on, dilehen di ho dohot di angka anakmu na gabe bagianmunu sian haul haluaan ni bangso Israel.

BILANGAN 8:11

dung i lehenon ni si Harun ma halak Levi i gabe silehen-lehen na mardohonan sian halak Israel di Au, anso tarkarejohon halahi karejongKu.

HAMALIMON 9:20

di ginjang ni andora ni pahan-pahanan na dua i, lalu dioban tu langgatan. Ditutung ma tabo-tabo i di ginjang ni langgatan.

HAMALIMON 10:15

Pat na pudi dohot andora ni pahan-pahanan i, angkon taruhonon ni halahi tu hamu, hatiha dipasahat tabo-tabona i gabe haul sipanganon tu Tuhan. Angka bagian on gabe bagianmu dohot angka anakmu ma i sapanjang, songon na nidok ni Tuhan i hian.”

PANGARATAION 18:3

Muda adong sada halak manghaulkon lombu sanga biri-biri, jadi hae jolo, isang-isang dohot butuha ni pahan-pahanan i dipasahat ma i tu angka malim baen di halahi.