HAMALIMON 7:21 - BIBEL JAMITA NA DENGGAN

²¹ Sada-sada halak nada etongon be halak ni Debata, muda dipangan ia juhut na nihaulkon i, muda dais ia tu na hodar mangihutkon ugamo, bope na ro sian jolma, bope na ro sian binatang-binatang.

HAMALIMON 7:21 Referans Kwoze

JEHESKIEL 4:14

Tapi hualusi ma, “Iale Tuhan Debata! Sian na menek lopus saonnari, na so unjung dope hupahodar diringku marhite na mangankon bangke ni binatang sanga teba-teba ni soroan ni binatang panyoro. Na so jungada do hupangan sipanganon na margoar na haram.”

HAMALIMON 12:1

Dilehen Tuhan ma angka aturan tu si Musa songon on,

HAMALIMON 11:20

Sude binatang na menek-menek na marhabong bope mangincir na haram do i etongon, asing ma muda na mangambur. Jadi siapor, sigurindik dohot siapor na rata tola do panganon.

PANGARATAION 14:10

Binatang na mangolu di bagasan aek tapi nada marhapi-hapi dohot marsisik, nada tola panganon jana angkon haram do i etongon.

PANGARATAION 14:3

“Binatang na nidok ni Tuhan na haram, nada tola panganonmunu.

HAMALIMON 22:4

Sada sian pomparan ni si Harun na hona kusta sanga na mangharuarkon aek, nada tola mangankon sian silehen-lehen na badia i, salolot so dipaboa na dung ias ia mangihutkon ugamo. Gabe ramun do sada malim muda dais ia tu sada na ramun hara ni na hona tu bangke. Gabe ramun muse do ia muda haruar same ni pamatangnia

HAMALIMON 18:29

Boto hamu ma, sanga ise na mangkarejohon karejo sihagigian i, angkon agohonon ma ia sian tonga-tonga ni bangsona.

HAMALIMON 17:14

Ngolu ni ganop na mangolu, di bagasan mudarna do. Hara ni i ma dibaen diantahi Tuhan halak Israel mangankon juhut na laing marmudar dope. Ganop halak na mangkarejohon karejo na nirarang, nada nietong be i halak ni Debata.

HAMALIMON 17:10

Muda adong sahalak Israel sanga sahalak na leban na dung honok rap dohot halak Israel, mangankon juhut na marmudar dope, gabe aloon ni Tuhan ma halahi, jana nada etongon be ia sada sian halakNia.

HAMALIMON 7:27

Sanga ise na mangalaosi aturan on, nada etongon be i halak ni Debata.

HAMALIMON 7:25

Halak na mangankon tabo-tabo ni binatang haru pe tabaen do i nian gabe haul tu Debata, nada etongon be i halak ni Debata.

HAMALIMON 7:20

Muda dipangan halak na so ias mangihutkon ugamo juhut na songon i, nada etongon be ia halak ni Debata.

HARURUAR 12:19

Di bagasan na pitu ari i, nada tola simpanonmunu ragi di bagasmunu. Betak adong halak, bope halak Israel, bope halak na asing mangankon roti na marragi, nada tola etongon be i sahalak sian bangsongKu.”

HARURUAR 12:15

Didok Tuhan, “Pitu ari honokna nada tola panganonmunu roti na marragi. Di ari parjolo, nada tola adong ragi di bagasmunu, angke muda adong halak mangan roti na marragi di bagasan pitu ari i, nada etongon be ia bangsongKu.

PAMUNGKAAN 17:14

Ganop halaklahi na so nisunat nada masuk be i gabe bangsongKu angke nada togu ditiop ia parjanjian i.”

HAMALIMON 7:22

Dilehen Tuhan dope angka aturan tu si Musa

HAMALIMON 22:3

Muda adong sahalak sian pomparanmu na ramun padonokkon tu haul na giot silehenon na nilehen ni halak Israel di Au, gabe nada patolaon be ia mangoloi di langgatan. Mardalan ma paraturan on ro di pudian ni ari, Au do Tuhan.

BILANGAN 19:22

Sanga aha na nijama ni halak na ramun i gabe ramun muse, dohot halak na asing na manjamasa gabe ramun muse lalu tu andospotang.

1 SAMUEL 20:26

Tapi nada ditaringoti si Saul taringot tusi anggo di na sadari i, harana dipikir ia, “Aropku na adong do sanga na aha na masa tusia gabe nada ias ia.”

HAMALIMON 19:8

Sanga ise mangankon juhut i, madung sala ia angke barang na dung mardohonan tu Au gabe songon barang hasomalan dibaensa. Nada etongon be halak na songon i halakKu.

HAMALIMON 20:3

Muda adong sahalak na mangalehen anakna tu Debata Molok jabat gabe ramun Bandar Na Badia i jana palayas goarKu na badia i, Au ma alona jana nada etongon be i sada sian halakKu.

HAMALIMON 23:29

Sanga ise na mangan bagi aha di ari i, nada etongon be ia halak ni Debata.

JEHESKIEL 33:25

Jadi hara ni i disuru Tuhan Debata i ma au palaluhon tonaNia on tu halahi, “Dipangan hamu do juhut na marmudar dope; disomba hamu gana-ganaan jana mamunu jolma hamu. Na puluk ma da hamu mandok hamu nampuna tano on.