HAMALIMON 6:25 - BIBEL JAMITA NA DENGGAN

²⁵ anso dilehen tu si Harun dohot tu angka dakdanaknia angka aturan deba nari taringot tu hasesaan ni dosa. Angkon sambolon do pahan-pahanan sibaenon haul i di topi ni langgatan sabola sian Utara gabe haul situtungon. Na sun badia do haul i.

HAMALIMON 6:25 Referans Kwoze

HAMALIMON 1:11

Sambolon ni halahi ma pahan-pahanan i di topi ni langgatan sabola sian Utara, dung i pispiskonon ni malim ma mudar ni pahan-pahanan i tu na opat topi ni langgatan i.

HAMALIMON 4:29

Angkon payakkononnia ma tangannia tu ginjang ni ulu ni hambeng i, lalu disambol ia ma i di topi sabola sian Utara ni langgatan haul situtungon, inganan panyambolan ni angka pahan-pahanan na gabe haul situtungon.

HAMALIMON 1:5

Dung i angkon di pintu ni Bandar Parmianan i do disambol lombu i. Mudar ni lombu i, pasahaton ni angka malim sian pomparan ni si Harun ma i tu Tuhan, lalu dipispiskon tu opat-opat topi ni langgatan na donok tu pintu ni Bandar Parmianan i.

HAMALIMON 1:3

Muda giot sombahononnia sada lombu, angkon lombu jantan na so martihas. Dipasahat ma lombu i di pintu Bandar Parmianan Ni Tuhan, anso tumbuk roha ni Tuhan i tu halakna i.

HAMALIMON 21:22

Tapi tola do panganonnia sian sipanganon na dung dipasahat, i sanga sian haul sipanganon na badia pe i sanga pe sian haul sipanganon na sun badia.

HAMALIMON 6:24

Didok Debata ma tu si Musa

HAMALIMON 6:29

Sude halaklahi sian horong ni malim tola do mangankon haul na sun badia i.

HAMALIMON 7:7

Dos do aturan sibaenon tu haul hasesaan ni dosa dohot tu haul partobus ni hasalaan, i ma: Juhut ni pahan-pahanan haul i, i ma bagian ni malim na pasahat haul i.

JEHESKIEL 42:13

Didok bayo i ma tu au, “Na badia do bangunan na dua i. Disi ma angka malim bolas mangadop tu haroroan ni Tuhan, mangankon angka haul na sun badia. Angkon disi muse ma payakkonon ni halahi angka haul na sun badia i, i ma: Haul gandum dohot haul panyesa ni dosa sanga haul panobus ni hasalaan.