HAMALIMON 5:7 - BIBEL JAMITA NA DENGGAN

⁷ Tapi muda suada tarlehen ia biri-biri sanga hambeng baen tobus ni dosana, angkon obanonnia do sarongkap unggas hatutu sanga darapati, sada ma i gabe haul hasesaan ni dosa, na sada nari gabe haul situtungon.

HAMALIMON 5:7 Referans Kwoze

HAMALIMON 12:8

Muda so tarpatupa ina i mangalehen anak ni biri-biri angkon obanonnia ma dua darapati sanga dua hatutu. Sada ma i gabe haul situtungon, na asing i gabe haul hasesaan ni dosa. Baenon ni malim i ma sada hatiha laho manyesa hahodaran ni ina i, anso gabe ias.

MATEUS 10:16

“Parrohahon hamu ma na Hudok on! Husuru do hamu songon biri-biri tu tonga-tonga ni sorigala. Jadi angkon manat do hamu songon ulok tapi ias ma rohamunu songon darapati.

2 KORINTUS 8:12

Muda ringgas do rohamunu marsilehen-lehen, jagiton ni Debata do silehen-lehenmunu i marguru tu sinadonganmunu, nada marguru tu na soadamunu.

MATEUS 3:16

Dung sidung dididihon, manigor ruar ma Jesus sian batang aek i. Ompot ma mungkap langit, diida Jesus ma Tondi Ni Debata mijur songon darapati, songgop tuSia.

HAMALIMON 14:31

na gabe haul hasesaan ni dosa, jana na asing i gabe haul situtungon rap dohot haul gandum. Songon i ma pangalahona paiaskon diri mangihutkon ugamo.

LUKAS 2:24

Dohot na giot pasahatkon haul songon na dung di Tona Ni Tuhan i ma sapasang balom dohot dua darapati na poso.

HAMALIMON 16:5

Dung i pasahaton ni bangso Israel ma tu si Harun dua hambeng jantan gabe haul hasesaan ni dosa, dohot sada biri-biri jantan gabe haul situtungon.

HAMALIMON 15:30

Sada sian unggas i angkon pasahaton gabe haul hasesaan ni dosa, na asing i gabe haul situtungon. Songon i ma pangalahona patuluskon haiason ni pamatang ni dadaboru i mangihutkon ugamo.

HAMALIMON 9:3

Dung i suru muse ma halak Israel maroban haul na gabe hasesaan ni dosa sada hambeng jantan bope gabe haul situtungon sada anak ni lombu dohot sada anak ni biri-biri rap marumur sataon jana na so adong tihasna.

HAMALIMON 5:11

Tapi muda suada tarlehen halak na marsala i sarongkap unggas hatutu sanga darapati gabe hasesaan ni dosana, angkon obanonnia ma topung dua liter. Nada tola nibaen tu topung i miak zetun sanga hamonyan, dibaen haul hasesaan ni dosa do i, nada haul gandum.

MATEUS 21:12

Dung i masuk ma Jesus tu alaman ni Bagas Ni Debata. Dipaorot Ia ma sude angka na marjagal disi. Diparbalikkon Ia ma sude meja ni angka panukar hepeng dohot bangku-bangku ni parjagal darapati.

HAMALIMON 7:1

On ma angka aturan taringot tu haul partobus ni hasalaan, haul na sun badia do i.

HAMALIMON 12:6

Dung salpu hatiha upacara pangiasonna bope hara ni na manubuhon anak halaklahi sanga dadaboru, angkon obanon ni ina i ma silehen-lehen sipasahaton tu malim di pintu ni Bandar Parmianan Ni Tuhan. Silehen-lehen i, i ma sada anak ni biri-biri na marumur sataon sanga haul situtungon dohot sada darapati sanga hatutu gabe haul hasesaan ni dosa.

HAMALIMON 14:30

Dung i pasahaton ni malim ma sada sian darapati sanga hatutu i,

BILANGAN 5:6

angka aturan tu bangso Israel. Muda adong sahalak na so manghabiari Tuhan, mambaen hasalaan tu halak na asing,

BILANGAN 6:10

Di ari pasalapankon obanonnia ma dua darapati sanga hatutu tu malim di pintu ni Bandar Parmianan Ni Tuhan.

BILANGAN 6:11

Unggas na sada lehenon ni malim i ma i gabe haul hasesaan ni dosa jana na asing i, gabe haul situtungon ma i laho paiaskon sian hahodaron hara ni na dais tu bangke i. Laing di ari i angkon mangulahi baenon ni halakna i mardohonan obukna i,

HAMALIMON 27:8

Muda pogos situtu do halak na marniet i angkon dioban do ia tu jolo ni malim. Malim i sandiri do manontuhon arga na tumoruk, na targarar halak na marniet i.