HAMALIMON 4:18 - BIBEL JAMITA NA DENGGAN

¹⁸ Saotik sian mudar i angkon diapuskon tu angka tanduk na di suhi-suhi ni langgatan hamonyan di Bandar Parmianan. Lobina i diduruskon tu ojahan ni langgatan inganan ni haul situtungon na di ruar ni Bandar Parmianan di jolo ni pintuna i.

HAMALIMON 4:18 Referans Kwoze

HAMALIMON 4:7

Angkon niapuskon muse ma saotik sian mudar i tu angka tanduk na di suhi-suhi ni langgatan i mardongan hamonyan na huskus na di bagasan Bandar Parmianan. Lobi ni mudar i angkon niusehon tu ojahan ni langgatan ni haul situtungon di balian ni Bandar Parmianan di jolo ni pintuna i.

HAMALIMON 4:25

Angkon disornopkon malim i ma jari-jarina tu bagasan mudar ni pahan-pahanan i jana diapuskon tu angka tanduk na di suhi-suhi ni langgatan i. Lobi ni mudar i diusehon ma tu ojahan ni langgatan.

HAMALIMON 4:30

Sornopkonon ni malim i ma jari-jarina tu bagasan mudar ni pahan-pahanan i lalu didaiskon ia tu angka tanduk na di suhi-suhi ni langgatan i, lalu diusehon ia mudar na lobi i tu ojahan ni langgatan i.

HAMALIMON 4:34

Sornopkonon ni malim i ma jari-jarina tu bagasan ni mudar i lalu didaiskon tu angka tanduk na di suhi-suhi ni langgatan i, jana mudar na lobi i disaburkon ma i tu ojahan ni langgatan i.

HAMALIMON 5:9

Mudar ni unggas i angkon dipispiskon tu topi ni langgatan, dung i lobina i diusehon tu ojahan ni langgatan i. I ma haul na gabe hasesaan ni dosa.

HAMALIMON 6:30

Pahan-pahanan nampuna mudar na dioban tu bagasan Bandar Parmianan, na nipake i laho mangido hasesaan ni dosa, angkon tutungon do sude, nada tola i panganon.

2 JUJUR TAON 29:22

Mula-mulana disambol angka malim i ma pahan-pahanan i jana diduruskon halahi ma mudarna i di langgatan. Laing songon i muse ma dibaen halahi biri-biri na pitu dohot anak ni biri-biri na pitu i.

HARURUAR 29:12

Buat ma saotik mudar ni lombu i jana daiskon ma dohot jari-jarimu tu angka tanduk ni langgatan i.

HARURUAR 30:10

Sanoli sataon angkon baenon ni si Harun upacara pabadiahon langgatan i; dipispis ia ma tandukna na opat i dohot mudar ni binatang na dihaulkon i baen panyesa ni dosa. Angkon baenon do songon i ganop taon sapanjangna. Angkon badia do langgatan on sudena, dihaulkon tu Au Tuhan.”

HAMALIMON 8:15

Disambol si Musa ma lombu i, dibuat ia deba mudarna, didaiskon ia ma mudar ni lombu i dohot jari-jari ni tangannia tu angka tanduk na di suhi-suhi ni langgatan i, anso gabe Debata nampuna langgatan i. Disaburkon ia ma mudar na lobi i tu ojahan ni langgatan i. Songon i ma pangalahona paias langgatan i mangihutkon ugamo sipasahaton tu Tuhan.

HAMALIMON 9:9

Dung i dioban anak ni si Harun ma mudar sihaulkonon i tu si Harun, lalu disornopkon ia ma jari-jarinia tu mudar i, dung i didaiskon ia tu na opat suhi ni langgatan i, dung i disiramkon ia mudar na lobi i tu pat ni langgatan i.