HAMALIMON 3:6 - BIBEL JAMITA NA DENGGAN

⁶ Muda biri-biri sanga hambeng do na nisombahon gabe haul haluaan, tola do jantan sanga boru-boru tapi ulang na martihas.

HAMALIMON 3:6 Referans Kwoze

EPESUS 1:10

Isi ni sangkap i, on do: Anso sada sudena na nitompa i, na adong di banua ginjang sanga na di portibi on dohot Kristus na gabe uluna. Jana salosehonon ni Debata ma i muda dung dumpang hatihana.

GALATIA 4:4

Tapi dung dapot hatiha hadenggananna, disuru Debata ma AnakNia i tu portibi on. Na sorang sian sada dadaboru do AnakNa i jana na mangolu di toru ni Tona i.

GALATIA 3:28

Anggo taringot tuson, nada adong be dibaen mardia imbar halak Jahudi sanga angka halak Junani, hatoban dohot na mardeka, halaklahi dohot dadaboru. Gabe sada do hamu sudena hara ni Kristus Jesus.

BAENON NI ANGKA RASUL 4:27

Tutu do songon i. Angke marlagut do si Herodes dohot si Pontius Pilatus rap dohot halak na so mananda Tuhan bope halak Israel di kota on. Marlagut do halahi laho mangalo Jesus NaposoMu Na Badia i, na NimiahanMi,

JESAYA 60:7

Hambeng biri-biri ni Nebayot dohot Kedar dioban tu ho baen tutungon di langgatan gabe ibadatMu. Jadi gabe jop ma roha ni Tuhan. BagasNia mur tu jagarna.

HAMALIMON 1:10

Muda biri-biri sanga hambeng do na giot sombahonon i angkon jantan na so martihas.

HAMALIMON 1:2

sipatuluson ni halak Israel muda marhaul halahi. Muda dipasahat sada halak pahan-pahanan gabe haul situtungon, tola do sombahononna lombu, biri-biri sanga hambengnia.

HAMALIMON 22:20

Muda dilehen hamu pahan-pahanan na martihas, nada dijagit Tuhan i.

HAMALIMON 19:5

Muda manyambol pahan-pahanan hamu sipasahatonmunu gabe haul haluaan, angkon ihutkononmunu do angka paraturan na dung Hulehen i, gabe jagitonKu ma haulmunu i.

HAMALIMON 23:19

Lehen muse ma sada hambeng jantan gabe haul hasesaan ni dosa, dohot dua anak ni biri-biri jantan na marumur sataon gabe haul hasesaan ni dosa.

BILANGAN 6:14

lehenonnia ma tu Tuhan tolu pahan-pahanan na so martihas, sada anak ni biri-biri jantan umur sataon gabe haul situtungon, sada anak ni biri-biri boru-boru marumur sataon, gabe haul hasesaan ni dosa dohot sada biri-biri jantan gabe haul haluaan.