HAMALIMON 3:2 - BIBEL JAMITA NA DENGGAN

² Halak na maroban haul, angkon dipayakkon do tanganna tu ginjang ni ulu ni lombu i lalu disambol di pintu ni Bandar Parmianan Ni Tuhan. Dung i dipispiskon angka malim pomparan ni si Harun ma mudar ni lombu i tu na opat topi ni langgatan i.

HAMALIMON 3:2 Referans Kwoze

HARURUAR 29:10

Oban ma lombu jantan i tu jolo ni Bandar ParmiananKu. Angkon ampehonon ni si Harun dohot angka anaknia i ma tangan ni halahi tu ulu ni lombu jantan i.

2 KORINTUS 5:21

Nada mardosa Kristus i, hape gabe dosa do Ia dibaen Debata jana dipaporsankon do tuSia dosanta i, anso tajagit hatigoran ni Debata hara ni hasadaonta dohot Kristus i.

BAENON NI ANGKA RASUL 3:26

I do umbaen na nipili ni Debata NaposoNia, jana hamu do na parjolo didapotkon Ia anso dipasupasu Ia hamu, dohot paubahon rohamunu sudena sian ngolumunu na jahat i.”

BAENON NI ANGKA RASUL 3:15

Dibunu hamu ma Ia, haru pe nian Ia do haroroan ni ngolu ni sude jolma. Jana madung dipangolu Debata Ia mangulahi sian hamatean. Hami sandiri ma manyaksihon i.

ZAKARIA 12:10

Dung i lehenonKu ma tondi na sai marhagiot mangampuni dohot na marhagiot martangiang tu pomparan ni si Daud dohot tu halak na maringanan di Jerusalem. Tatapon ni halahi ma na nitiham ni halahi jana andungan ni halahi ma i songon pangandungi ni anak sasada. Lungun noma pangandung ni halahi, songon dia na agoan anak siangkaan.

JESAYA 53:6

Lilu do hita sudena songon biri-biri, marsitondong dalanna be. tapi madung dihonahon Tuhan tusia sude hajahatanta.

HAMALIMON 8:22

Dung i dibuat si Musa ma biri-biri jantan na paduahon na hasaya di na mangangkat malim. Dipayakkon si Harun bope angka anaknia i ma tangan ni halahi tu ulu ni pahan-pahanan i.

HAMALIMON 1:11

Sambolon ni halahi ma pahan-pahanan i di topi ni langgatan sabola sian Utara, dung i pispiskonon ni malim ma mudar ni pahan-pahanan i tu na opat topi ni langgatan i.

HARURUAR 29:11

Angkon disi do nisambol lombu i, di jolo ni ingananKu na badia, di pintu ni Bandar Parmianan.

HARURUAR 29:16

Dung i sambol ma binatang i, buat ma mudarna i jana pispiskon ma tu suhi-suhi na opat ni langgatan i.

HAMALIMON 3:3

Songon haul sipanganon di Tuhan angkon nisombahon goar-goaran ni juhut ni pahan-pahanan i. Tabo-tabo na mamaluti butuhana,

HAMALIMON 3:8

Jana angkon payakkononna ma tanganna tu ginjang ulu ni biri-biri i lalu disambol ia ma i di jolo ni Bandar Parmianan. Lalu diduruskon malim i ma mudarna i tu na opat topi ni langgatan i.

BILANGAN 18:17

Tapi anggo lombu, biri-biri dohot hambeng, na sorang parjolo nada tola tobuson. Pahan-pahanan na songon i Au do nampunasa jana angkon dihaulkon. Siramkon ma mudarna i tu langgatan jana tutung tabo-tabona i gabe haul sipanganon. Uap ni haul i pajopkon rohangKu.

HARURUAR 29:15

Buat muse ma sada sian biri-biri jantan i. Angkon payakkonon ni si Harun dohot angka anaknia i do tangan ni halahi tu ginjang ni ulu ni biri-biri i.

HARURUAR 29:19

Buat ma biri-biri jantan na sada nari i – i ma biri-biri sihaulkononkon. Suruhon ma anso dipayakkon si Harun dohot dakdanaknia i tangan ni halahi tu ulu ni pahan-pahanan i.

HAMALIMON 17:3

“Muda adong sahalak sian Israel pasahatkon sada lombu tu Tuhan, biri-biri sanga hambeng pe, angkon sambolonnia pahan-pahanan i di pintu ni Bandar Parmianan Ni Tuhan. Muda di inganan na asing do disambol ia, madung mangalaosi Uhum do i, angke madung manyaburkon mudar ia. Jadi, angkon agohonon ma ia sian tonga-tonga ni bangsona.