HAMALIMON 3:13 - BIBEL JAMITA NA DENGGAN

¹³ angkon payakkonon ni na maroban haul i ma tanganna tu ginjang ulu ni hambeng i lalu disambol ia ma i di jolo ni pintu ni Bandar Parmianan Ni Tuhan. Pispiskonon ni malim i ma mudar ni hambeng i tu na opat topi ni langgatan i.

HAMALIMON 3:13 Referans Kwoze

HAMALIMON 3:8

Jana angkon payakkononna ma tanganna tu ginjang ulu ni biri-biri i lalu disambol ia ma i di jolo ni Bandar Parmianan. Lalu diduruskon malim i ma mudarna i tu na opat topi ni langgatan i.

1 PETRUS 3:18

Angke sanoli sajo do mate Kristus hara ni dosanta ro di salolot-lolotna – i ma sada halak na so marsala, na mate humopkop halak parsala, anso tartogu Ia hamu mandapotkon Debata. Nibunu do Ia mangihutkon sibuk tapi nipangolu mangulahi mangihutkon tondi.

1 PETRUS 2:24

Kristus sandiri do mamorsan angka dosanta i di pamatangNia sandiri di ginjang ni hayu parsilang i, anso tola hita malua sian kuaso ni dosa jana tola hita mangihutkon hagiot ni Debata. Angke bugang ni Kristus i do na paluahon hamu.

1 PETRUS 1:2

mangihutkon sangkap ni Debata Ama jana na niparbadiai ni Tondi, anso mangoloi Jesus Kristus jana manjagit pamispion ni mudarNia. Mur martamba ma asi ni roha dohot hasonangan di hamu.

IBRANI 12:24

Diadopi hamu do Jesus pandomui na mambaen janji na imbaru i; diadopi hamu do mudar pamispison na gabe jaminan ni angka na dao dumenggan sian na nijamin ni mudar ni si Abel.

2 KORINTUS 5:21

Nada mardosa Kristus i, hape gabe dosa do Ia dibaen Debata jana dipaporsankon do tuSia dosanta i, anso tajagit hatigoran ni Debata hara ni hasadaonta dohot Kristus i.

JESAYA 53:6

Lilu do hita sudena songon biri-biri, marsitondong dalanna be. tapi madung dihonahon Tuhan tusia sude hajahatanta.

JESAYA 52:15

Tapi anggo saonnari bahat bangso homang hara ni ia, mangkohom angka raja hara ni longangna. Angke na so dibaritahon humani tu halahi, ligion ni halahi ma saonnari, dohot aha na so binege ni halahi, astuanna ma saonnari.

HAMALIMON 3:12

Muda hambeng do na giot sombahononna

HAMALIMON 3:14

Songon haul sipanganon di Tuhan pasahaton ni malim i ma goar-goaran ni juhut ni hambeng na nilapa i. Sude tabo-tabo na mamalut isi ni butuha,

HAMALIMON 1:4

Dung i payakkonon ni halahi ma tanganna tu ginjang ni ulu ni pahan-pahanan i, gabe jagiton ni Tuhan i ma silehen-lehenna i gabe haul hasesaan ni dosa ni halahi.