HAMALIMON 27:32 - BIBEL JAMITA NA DENGGAN

³² Sada sian sampulu pahan-pahanan, Tuhan do nampuna i. Muda dietong pahan-pahanan i, ganop na pasampuluhon, Tuhan do nampuna i.

HAMALIMON 27:32 Referans Kwoze

JEREMIA 33:13

Di angka kota na di tano partoran di pat ni angka dolok, di tano Negeb, dohot di Luat Benyamin dohot di angka huta na adong humaliang Jerusalem, dohot di angka kota na di Juda, etongon ni halak ma bilangan ni angka biri-biri ni halahi. Au Tuhan, madung mandok songon i.”

JEHESKIEL 20:37

“ParmahanonKu ma hamu songon biri-biri, padalanonKu hamu sian toru ni tungkot harajaan, jana pamasukon tu bara jana mangetong hamu.

MIKA 7:14

Ale Tuhan, parmahani ma bangsoMi, bangso na nitodoMi. Pinjil do halahi maringanan di harangan, ditonga-tonga ni tano na napu. Padiar ma halahi manjampal di padang-padang ni Basan dohot di Gilead songon na jolo i.

HAMALIMON 27:31

Muda giot tobusan ni sasahalak mangulahi sabagian, angkon gararonnia argana i ditamba dua pulu porsen.

PAMUNGKAAN 28:22

Jana lehenonku ma di Ho saparsampulu ni sandok na nilehenMu di au. Batu parningotan, na hupajongjong on, gabe inganan parsombaan tu Ho ma i.”

BILANGAN 18:21

Didok Tuhan ma tu si Harun, “Saparsampulu sian sude na nilehen ni halak Israel di Au, madung Hulehen di halak Levi. On ma upa ni halahi pature-ture Bandar ParmiananKu.