HAMALIMON 26:45 - BIBEL JAMITA NA DENGGAN

⁴⁵ PaimbaruonKu ma janji na Hubaen dohot ompu ni halahi hatiha Hupatidahon kuasongKu tu angka bangso jana Huoban bangsongKu ruar sian Mesir, anso Au Tuhan gabe Debata ni halahi.”

HAMALIMON 26:45 Referans Kwoze

HAMALIMON 25:38

On ma parenta ni Tuhan Debatamu, na maroban hamu haruar sian Mesir, jana mangalehen tano Kanaan di hamu, anso Au gabe Debatamunu.

JEHESKIEL 20:22

Tapi nada Hupalalu songon i laho manjago anso ulang marlayas goarKu dibaen bangso na marnida Au maroban Israel ruar sian Mesir.

JEHESKIEL 20:9

Tapi nada Hupalalu i anso ulang marlayas goarKu dibaen angka bangso di tano na niinganan ni halahi. Harana na dung Hupabotohon do tu bangso Israel di jolo ni angka bangso-bangso i, na giot obanonKu halahi ruar sian Mesir.

HAMALIMON 22:33

Au do maroban hamu sian Mesir, anso Au gabe Debatamunu. Au do Tuhan.”

SURAT NI SI PAULUS TU PARLAGUTAN ROM 11:12

Angke muda pangalaosion ni halahi gabe hamoraon di portibi on, jana hahurangan ni halahi gabe hamoraon di angka bangso na asing, mur noma di hamamasuk ni halahi sudena.

JEHESKIEL 20:14

Tapi nada tulus Hupalalu hara ni na manjago sangap ni goarKu anso ulang marlayas goarKu dibaen angka bangso-bangso na marnida Au maroban Israel ruar sian Mesir.

HARURUAR 20:2

“Au do Tuhan Debatamu, na maroban ho ruar sian tano Mesir, sian tano parhatobanan i.

HARURUAR 6:8

ObanonKu ma hamu tu luat na dung Hujanjihon hian di bagasan sumpa tu si Abraham, si Ishak dohot si Jakob; lehenonKu ma tano i gabe nampunamunu sandiri, Au do Tuhan.’ ”

HARURUAR 2:24

Dibege Debata do angguk-angguk ni halahi, jana diingot Ia do janjiNa tu si Abraham, si Ishak dohot si Jakob.

PAMUNGKAAN 15:18

Laing di hatiha i ma dibaen Tuhan parjanjian dohot si Abram. Ninna Tuhan ma, “Marjanji ma Au laho mangalehen tano on sudena di pomparanmu, mamungka sian batas ni Luat Mesir lopus tu Batang aek Efrat,

PAMUNGKAAN 12:2

Hulehen pe bahat di ho pomparanmu jana gabe bangso na godang ma halahi. Hupasupasu pe ho jana tarbonggal pe goarmu Hubaen, lopus gabe pasupasu ho di halak na bahat.

PAMUNGKAAN 9:15

ingotonKu ma janjingKu na tu hamu dohot tu sandok binatang, i ma na so bunuon ni aek na oto be sandok na mangolu.

HARURUAR 6:6

Jadi baen ma boa-boa tu bangso Israel, bahaso madung Hudok tu halahi: ‘Au do Tuhan; sai na urupanKu do hamu jana paluaonKu sian parhatobanon ni bangso Mesir i. SurduhononKu tanganKu na gogo i mandabu uhum na dokdok tu bangso Mesir, jana paluaonKu hamu.

HAMALIMON 11:45

Au do Tuhan na maroban hamu ruar sian Mesir, anso gabe Au Debatamunu. Angkon badia do hamu angke na badia do Au.

PANGARATAION 4:31

Debata na gok ibo ni roha do Tuhan i. Nada tadingkononNia sanga abiskononNa hamu, jana nada halupahononNia parjanjian na nibaenNia sandiri dohot ompumunu.

PAMUNGKAAN 26:24

Jadi borngin i dipataridahon Debata ma diriNa tusia mandok, “Au ma da Debata ni amangmu si Abraham. Ulang ho mabiar. Au do mandongani ho. PasupasuonKu ma ho jana lehenonKu ma tu ho bahat pomparanmu hara ni janjingKu tu naposongKu si Abraham.”

PAMUNGKAAN 28:15

Ingot ma! Sai na dongananKu do ho jana ondihononKu sanga na tu dia pe ho kehe, jana obanonKu do ho mangulahi tu luat on. Nada tadingkononKu ho lopus Hupatulus sude sanga aha na Hujanjihon tu ho.”

PANGARATAION 9:27

Ingot ma angka naposoMu si Abraham, si Ishak dohot si Jakob, jana ulang ma ligi tu jogal ni roha, hajahatan dohot dosa ni bangso on.

MASMUR 106:45

Hara ni halahi diingot Ho parjanjianMu, jana diuba Ho haputusanMu, hara ni godang ni holong ni rohaMu.