HAMALIMON 26:4 - BIBEL JAMITA NA DENGGAN

⁴ Huparo pe udan di hatihana, gabe dilehen tano i ma suhana jana marbatu ma hayu na nisuanmunu.

HAMALIMON 26:4 Referans Kwoze

ZAKARIA 8:12

Di bagasan sonang noma halahi i manyabur same. Marbatui ma angka bona ni anggur ni halahi, lehenon ni tano i ma suhana, jana langit mangalehen aek ombun. LehenonKu ma pasupasu i tu angka jolma na mangolu dope sian bangso on.

MASMUR 67:6

Madung dilehen tano i suhana, madung dipasupasu Debata hita.

JEHESKIEL 36:30

Mur napu baenonKu bona ni suan-suananmunu jana tamba suha ni angka ladangmunu, anso ulang be bolusonmunu haleon na pajatjat goarmunu di tonga-tonga ni angka bangso.

JESAYA 30:23

Muda manyabur same hamu, tongoson ni Tuhan ma udan anso tubu same i jana mangalehen suha marlompit ganda. Di pahan-pahananmunu pe rade ma bahat jampalanna.

JOB 5:10

Diparo Ia udan tu tano, mandurus ladang mambornok padang.

PANGARATAION 28:12

Paroon ni Tuhan ma udan di hatihana sian inganan panyimpananna na bubung di langit. PasupasuonNia ma sude karejomunu, jana gabe tarbaen ho ma painjamkon tu bahat bangso tapi indangkon sai manginjam ho sanga na sian ise.

PANGARATAION 11:14

Muda dibaen hamu songon i, gabe paroon ni Tuhan ma udan tu tanomunu i di hatihana, dung sidung hamu manyabi dohot di na mamungka hamu manyuan. Gabe tuk ma di hamu gandum, anggur dohot miak zetun,

HAMALIMON 25:21

Di taon paonomkon pasupasuon ni Tuhan ma tano i gabe tuk panganon tolu taon suhana i.

BAENON NI ANGKA RASUL 14:17

Tapi nada lupa Ia mangalehen angka bukti taringot tu diriNia, markite-hite na mambaen na denggan. Dilehen Ia do udan tu hamu sian langit i dohot suha ni tano marguru tu hatihana. Dilehen Ia do balanjo di hamu jana dipasonang Ia do rohamunu.”

MATEUS 5:45

anso gabe dakdanak ni Amangmunu na di banua ginjang i hamu. Harana dipabincar Debata do mataniari tu halak na burju dohot tu halak na jahat pe. Diparo Ia do udan tu halak na tigor dohot tu halak na geduk roha.

MASMUR 85:12

Marsuha ma tanonta na denggan lehenon ni Tuhan ma di hita.

MASMUR 68:9

Marlobian dipaijur Ho udan, tanoMi na harsang i dibaen Ho sumuang.

HALUMBAAN 11:6

Markuaso do halahi manutup langit anso ulang ro udan salolot manyurirangi halahi. Laing markuaso do halahi di angka mual ni aek laho mambaen aekna i gabe mudar. Jana laing markuaso muse do halahi mangalibas tano on markite-hite angka ragam ni bala, sanga na andigan giot ni halahi.

JAKOBUS 5:7

Antong sobar ma hamu angka dongan lopus ro Tuhanta i. Ligi hamu ma sobar ni angka partani i paintehon lopus dilehen tanonia i suha na mararga disia. Sobar do ia paintehon udan di musim gugur dohot udan di musim bunga.

JEREMIA 14:22

Adong ma he lakna na bisa parohon udan sian tonga-tonga ni debata gana-ganaan ni angka bangso i? Sanga tarbaen langit i ma lakna paporkon udan? Hum Ho do ale Tuhan, Debata na hami haporsayai, na bisa mambaen sasudena i!

JESAYA 5:6

PadiaronKu noma disi martubuan hayu riar. Nada be tamboranKu tanona i jana bona ni anggur i pe nada be papangkas-pangkasonKu. Mur padiaronKu noma i tehe lombuton ni sihupi dohot andor-andor. Salang ombun pe antahanKu noma ulang diparo udan tusi.”

MASMUR 104:13

Sian langit diduruskon Ho udan di dolok, dilehen Ho marlobi-lobian suha ni tano.

1 RAJA-RAJA 17:1

Sanoli adong ma sada halak panurirang na margoar si Elia na sian Tisbe na di Gilead ro mandapotkon Raja Ahab jana didok ia ma, “Mangasahon Tuhan Debata na mangolu, na nisomba ni halak Israel jana na huoloi, hupaboa ma tu raja i, anggo dua tolu taon on nada adong ombun sanga udan rimbus pe, anggo so hudokkon.”

HAMALIMON 25:19

Tano na di luat i mangalehen suhana mambaen tuk panganonmunu gabe sonang hamu disi.

PANGARATAION 11:13

Antong muda songon i, sai oloi hamu ma angka parenta na hulehen tu hamu di ari sadari on, haholongi hamu ma Tuhan Debatamunu i jana oloi hamu ma Ia sian sandok rohamunu.

MASMUR 67:7

Madung dipasupasu Debata hita, sai sude ma nian na satano on pasangapkon Ia.

MASMUR 85:13

Joloanan ni hatigoran ma Ia, jana pasingkoponna dalan diSia.

JOEL 2:22

Ulang hamu marsak, ale angka binatang. Saonnari madung mulak mangarata angka padang. Angka hayu ramos be marbatui, batu ni anggur dohot ara marhimpal marlobi-lobi.