HAMALIMON 23:40 - BIBEL JAMITA NA DENGGAN

⁴⁰ Di ari parjolo i ma ho mambuat parbatu ni suan-suananmu, buat muse ma angka bulung ni harambir dohot bulung sian dangka na rimbun, dung i mamungka ma pesta parayaan ugamo i laho pasangapkon Tuhan Debatamu.

HAMALIMON 23:40 Referans Kwoze

HALUMBAAN 7:9

Dung i manaili muse dope au, gabe huida ma jolma na marlagut na lobi bahatna – sahalak pe nada adong tarbaensa mangetong i! I ma angka jolma sian ganop bangso, marga, negara dohot bahasa. Mamake baju juba na bontar ma halahi, maniop mare-mare di tanganna be, jongjong ma halahi sude adop habangsa i dohot adop Anak Ni Biri-biri i.

PILIPPI 4:4

Marjop ni roha ma hamu tongtong di bagasan Tuhan i! Sanoli nari hudok: Marjop ni roha ma hamu!

SURAT NI SI PAULUS TU PARLAGUTAN ROM 5:11

Tapi nada hum i sajo. Marmoga-moga muse ma hita di bagasan Debata, markite-hite Tuhanta Jesus Kristus, harana markite-hite Ia madung hita jagit saonnari pardamean i.

JOHANNES 16:22

Laing songon i ma hamu: Susa ma rohamunu saonnari, tapi marsuo dope Au dohot hamu, gabe jop ma rohamunu; jana nada tarbuat sanga ise hajopjop ni roha i sian hamu.

JOHANNES 12:13

Dung i diparrampingkon halahi ma mare-mare, kehe ma halahi mangalo-alo Jesus. Marsurahi ma halahi, “Hosana! Dipasupasu ma Ia na ro di bagasan goar ni Tuhan, Raja ni Israel!”

MATEUS 21:8

Marsipahembang angka abitna ma halak na bahat na disi di dalan i. Adong ma deba na mambuat angka ranting-ranting ni hayu, diserakkon halahi ma i di tonga dalan i.

JESAYA 35:10

Lalu halahi tu Jerusalem marjop ni roha, manortor lalu marsurak marmoga-moga. Martua ma halahi salolot-lolotna, malua sian habot ni roha dohot susa.

1 PETRUS 1:8

Dihaholongi hamu do Ia haru pe nada jungada diida hamu Ia najolo. Jana dihaporsayai hamu do Ia haru pe saonnari nada diida hamu Ia. Dipapuji-puji hamu do Debata mardongan jop ni roha godang na so tarpajojor dohot hata.

PILIPPI 3:3

Hape hita do angka na dung manjagit sunat na tutu, nada halahi. Hombar tu panogu-noguon ni Tondi Ni Debata sandiri do tasomba Debata, jana mandok tarimakasi do hita hara ni na dung mardomu i hita dohot Jesus Kristus. Nada marguru tu angka upacara na tarida hita.

JESAYA 66:10

Ale hamu na manghaholongi Jerusalem, beta ma marjop ni roha, marmoga-moga ma hara ni i! Hamu na marsak hara ni ia, saonnari tola ma marjop ni roha.

MASMUR 92:12

Martunas do partigor i songon bona ni kurma, tubu simbur songon bona ni sampinur di Libanon.

HAMALIMON 23:39

Dung salpu sabion, baenonmunu muse ma pesta pitu ari honokna, mamungka sian tanggal lima bolas bulan pitu. Ari parjolo dohot pasalapankon, ari na dung nitontuhon do i gabe ari paradianan.

HAMALIMON 23:41

Angkon baenonmu parayaan i pitu ari lolotna di bagasan sataon. Pomparanmunu pe angkon patulusonna do aturan i ganop bulan papituhon lopus tu ari na ro.

PANGARATAION 12:7

Laing di inganan i muse, di adopan ni Tuhan Debatamunu na dung mamasumasu hamu, hamu rap dohot dongan sabagasmunu, disi ma mangan mandai rasoki sian pandapotan ni karejomunu.

MASMUR 137:2

Di bona ni ampolu na disi, tagantungkon hasapinta.

JESAYA 44:4

Martumbur halahi mangaloyok songon duhut di lambung ni aek, songon bona ni ampolu di topi ni batang aek.

PANGARATAION 12:12

Sai marjop ni roha ma hamu di inganan i, di adopan ni Tuhan, rap dohot angka dakdanakmunu, angka naposomunu dohot angka halak Levi na maringanan di hutamunu, dibaen nada dapot bagian angka halak Levi di tanomunu i.