HAMALIMON 23:14 - BIBEL JAMITA NA DENGGAN

¹⁴ Taran so dioban hamu silehenon i tu Tuhan, ulang pangan hamu saotik pe sian gandum na baru i, bope na mata sanga na nisaok sanga ditutung pe. Aturan on angkon ihutkonon ni sude pomparanmu lopus tu ari parpudi.

HAMALIMON 23:14 Referans Kwoze

HARURUAR 34:26

Na dumenggan sian patumonaan ni suha ni ememunu ganop taon angkon i do obanonmu tu Bagas Ni Tuhan. Ulang lompa hamu anak ni hambeng di bagasan susu ni indukna.”

NEHEMIA 9:14

Angkon pestahonon ni halahi do Ari Sabat na badia, jana marhite si Musa dilehen Ho uhumMi.

PANGARATAION 16:12

Sian situtu ni rohamunu ma oloi hamu angka parenta i, ulang hamu lupa na hatoban hamu najolo di Mesir.”

HAMALIMON 10:11

Sude tona na dung Hulehen di ho marhite si Musa, angkon ajarkononmu tu bangso Israel.”

HAMALIMON 3:17

Sahalak pe sian halak Israel nada tola mangankon tabo-tabo dohot mudar. Hot do aturan on ro di salolotna angkon sioloan ni ganop halak Israel sanga di dia pe halahi maringanan.

MASMUR 19:8

Tumbuk do paraturan ni Tuhan i, pasonangkon roha ni sipangoloi. Polin do na niputuskon ni Tuhan i, mambaen jolma i mangastui.

HAMALIMON 2:14

Muda marhaul hamu tu Tuhan sabagian sian gandum na parjolo nisabi, oban ma gandum na dung disaok sanga na dung diduda.

HARURUAR 27:21

Angkon pagaraon ni si Harun dohot dakdanaknia do lampu i. Di ruar ni tire panutup ni Poti Parjanjian i ma inganan ni lampu i. Di Bandar ParmiananKi, angkon torus do gara lampu sian potang ari lalu tu torang ari. Angkon dalankonon ni halak Israel dohot pomparanna do parenta on sapanjangna.”

HAMALIMON 23:31

Marlaku do paraturan on tu anak dohot pahompumunu marsundut-sundut sanga di dia halahi maringanan.

HAMALIMON 23:41

Angkon baenonmu parayaan i pitu ari lolotna di bagasan sataon. Pomparanmunu pe angkon patulusonna do aturan i ganop bulan papituhon lopus tu ari na ro.