HAMALIMON 23:13 - BIBEL JAMITA NA DENGGAN

¹³ Rap dohot i angkon lehenonmunu dope haul sipanganon dua kilo gram topung dicampur dohot miak zetun. Uap ni haul i ma na pajop roha ni Tuhan. Lehen hamu muse ma rap dohot i anggur saliter bahatna.

HAMALIMON 23:13 Referans Kwoze

JOEL 2:14

Betak na muba do tehe roha ni Tuhan Debatamu, jana marlobi-lobi pasupasuNa di hamu. Gabe tarbaen hamu manghaulkon tu Tuhan, haul anggur dohot gandum.

JOEL 1:13

Hamu ale angka malim na markobasi di langgatan, pake hamu ma abit goni anso martangisan. Masuk ma tu Bagas Ni Tuhan marbornginma laho mangandung disi, angke nada adong be haul anggur dohot gandum.

JOEL 1:9

Ma pola abis gandum dohot anggur sudena nada adong be sihaulkonon di Bagas Ni Tuhan. Gabe marsak ma angka malim, dibaen nada adong be haul di Tuhan.

JEHESKIEL 46:14

Tamba ni i, ganop manyogot angkon laing haulkonon muse do dua kilo gandum dohot saliter miak zetun sicampurkonon dohot gandum i. I ma haul gandum sihaulkonon ganop ari di Tuhan; sapanjangna do dalankonon aturan i.

JEHESKIEL 45:24

Asing ni i angkon haulkononnia dope gandum bahatna 17,5 liter tu ganop sada lombu jantan dohot tolu liter miak zetun tu ganop sada biri-biri jantan.

JEHESKIEL 4:11

Aek siinumonmu pe angkon marsuhat do, dua mangkuk sajo sadari.

BILANGAN 28:10

Haul situtungon i angkon dihaulkon ganop Ari Sabat songon tamba ni haul siganop ari rap dohot haul aek ni anggur.”

HAMALIMON 14:10

Di ari pasalapankon angkon obanon ni halahi ma dua anak ni biri-biri jantan, sada anak ni biri-biri boru-boru marumur sataon na so martihas, tolu kilogram topung na dung marcampur dohot miak zetun dohot sapartolu liter miak zetun.

HAMALIMON 6:20

taringot tu na mangojakkon sada malim sian pomparan ni si Harun. Di ari pangojakkon ni malim i, angkon obanonnia ma topung gandum sakilo di Tuhan. (Dos bahatna songon haul gandum ari-ari.) Satonga ma i sihaulkononkon manyogot i, lobina i di andospotangna.

HARURUAR 30:24

dohot hayu teja onom kilo (sudena i nitimbang ma di timbangan na rasmi). Tambahon ma opat liter miak zetun,

HARURUAR 30:9

Nada tola haulkononmunu hamonyan na so tola haulkonon, sanga haul binatang, sanga haul eme di ginjang ni langgatan i; ulang diduruskon muse aek ni anggur di ginjangna i.

HAMALIMON 23:12

Di ari hatiha dilehen hamu haul gandum i, angkon laing lehenonmunu do na gabe haul situtungon tu Tuhan sada anak ni biri-biri na marumur sataon jana na so martihas.