HAMALIMON 22:23 - BIBEL JAMITA NA DENGGAN

²³ Songon haul sian jop ni roha tola do haulkononmunu pahan-pahanan na so satimpal pamatangna tu umurna sanga na so jeges potongonna, tapi anggo manggarar niet, nada sah pahan-pahanan na songon i.

HAMALIMON 22:23 Referans Kwoze

HAMALIMON 21:18

Halak na pasahatkon haul, nada tola halak na martihas pamatangna, nada tola halak na mapitung, na pangpang, tihas di bohina sanga di pamatangna,

HARURUAR 35:29

Marsioban sian na nionjar ni rohana be ma sude halak Israel baen haul ni halahi tu Tuhan, sipakeon tu parkarejoan na niparentahon ni Tuhan markite-hite si Musa.

HAMALIMON 22:22

Ulang haulkon hamu tu Tuhan pahan-pahanan na mapitung, na maponggol holi-holina sanga na mabugang, sanga marnana barona, bobak na mahancit sanga na rasaon. Pahan-pahanan na songon i ulang lehen hamu gabe haul sipanganon di langgatan i.

HAMALIMON 22:24

Ulang haulkon hamu tu Tuhan pahan-pahanan na nipaias hara ni na hona tanduk sanga tarhapit sanga dihorot batu ni dongan magodangna. Na songon i nada tola masa di luatmunu.”

PANGARATAION 15:21

Muda martihas do binatang i, tengka umpamana sanga mapitung sanga martihas na borat na asing, nada tola haulkononkon binatang i tu Tuhan Debatamunu.

PANGARATAION 17:1

Lombu sanga biri-biri na martihas, ulang haulkon hamu tu Tuhan, angke magigi do Tuhan Debatamunu tusi.

MALEAKI 1:8

Muda dihaulkon hamu tu Au binatang na mapitung sanga na marnyae, sanga na onyangon, adong he nada sala dietong hamu pangalaho na songon i? Cubo hamu jolo mangalehen binatang na songon i tu pamimpin! Pasti do nada sonang rohania manjagitsa jana nada denggan muse be baenonnia tu hamu, ninna Tuhan Na Markuaso.”