HAMALIMON 21:6 - BIBEL JAMITA NA DENGGAN

⁶ Au do nampuna jana mamili ia, hara ni i nada tola palayasonnia goarKu. Ia do na pasahatkon sipanganon di Au, hara ni i angkon badia do ia.

HAMALIMON 21:6 Referans Kwoze

HAMALIMON 18:21

Ulang lehen sada pe sian anakmu gabe dihaulkon tu Debata Molok, angke pangalaho na songon i na palayas goar ni Tuhan do i.

HAMALIMON 3:11

Angkon tutungon ni malim na markarejo disi sudena i di ginjang ni langgatan gabe haul sipanganon di Tuhan.

1 PETRUS 2:9

Tapi anggo hamu, bangso na Hupili do hamu, angka harajaan hamalimon, bangso na badia, bangso hapunjungan ni Debata. Ia do na mamiohon hamu haruar sian hagolapan anso masuk tu bagasan sinondangNia na tumorang i, anso pararatonmunu barita taringot tu angka pambaenanNia na godang i.

JEHESKIEL 44:7

Madung dipahodar halahi BagasKu, angke taran manghaulkon tabo-tabo dohot mudar ni haul i tu Au dipaloas halahi do masuk tu bagasan angka halak sileban na so marsunat jana na so marpangoloion tu Au. Markite-hite angka parbuatan ni halahi na nihagigihon i, dilaosi halahi do parjanjianKu dohot halahi.

JESAYA 52:11

Mandao ma ho, mandao ma ho! Ruar ma ho sian i! Ulang ho dais tu na hodar! Ruar ma ho sian tonga-tonga ni halahi, paias ma dirimu, ale hamu na maroban parkokas ni Bagas Ni Tuhan.

ESRA 8:28

Hudok ma tu angka malim i, “Madung dihapunjungkon hamu di Tuhan, Debata na nisomba ni angka ompunta, songon i muse sude parkokas perak dohot sere ma disumbangkon tu Tuhan, hapunjungan ni Tuhan do i.

HAMALIMON 21:8

Angkon okuon ni halak na bahat do bahaso hapunjunganKu do malim, angke ia do na pasahatkon haul sipanganon di Au. Au do Tuhan na badia, jana Au do pabadiahon bangsongKu.

HAMALIMON 19:12

Ulang janjihon sanga aha pe marhite goarKu, muda so giot patulusonmu janjimi. Au do Tuhan Debatamu.

HAMALIMON 10:3

Didok si Musa ma tu si Harun, “On ma pikiran ni Tuhan i di na nidokNia, ‘Sude halak na giot mangoloi Au angkon pasangaponna do Au angke sasada Au do Debata. Giot patuduhononKu hamuliaonKu tu bangsongKu.’ ” Tapi hohom do si Harun.

HARURUAR 29:44

Gabe badia ma Bandar Parmianan dohot langgatan i baenonKu. PaasingonKu ma si Harun dohot angka dakdanaknia sian halak na asing anso gabe malim halahi mangoloi Au.

HARURUAR 28:36

Baen ma sada parhiasan sian sere na polin na nigorga dohot pandohan, ‘Nabadia di Tuhan’.

HARURUAR 19:22

Salang angka malim na giot mandonohi Au pe, angkon paiasonna do dirina; anggo nada songon i, hona uhum do halahi.”

HAMALIMON 21:17

mandok hata on tu si Harun, “Sian pomparanmu, muda adong na martihas pamatangna, nada tola pasahatkon haul sipanganon tu Au. Angkon songon i do tongtong lopus tu pudian ni ari.

HAMALIMON 21:21

Sian angka pomparan ni si Harun angka halak na martihas pamatangna nada tola pasahatkon haul sipanganon di Au.

HAMALIMON 20:3

Muda adong sahalak na mangalehen anakna tu Debata Molok jabat gabe ramun Bandar Na Badia i jana palayas goarKu na badia i, Au ma alona jana nada etongon be i sada sian halakKu.

HAMALIMON 21:23

Hara ni na adong tihas ni pamatangna gabe nada tola donok ia tu tire na badia, sanga mandonohi langgatan i. Nada tola ramun baenonna angka barang na dung gabe hapunjunganKi, angke Au do Tuhan jana Au do paasingkon barang-barang i.”

BILANGAN 16:5

Dung i didok ia ma tu si Korah dohot donganna i, “Ancogot manyogot i patidahonon ni Tuhan ma tu hita sanga ise sian hita na dung mardohonan di Tuhan. Halak na dung mardohonan di Tuhan i, patuduhonon ni Tuhan sandiri do i mandongani Tuhan i di langgatan i.

BILANGAN 28:2

“Parentahon ma tu bangso Israel, anso tongtong diingot halahi manghaulkon haul sipanganon na pajob roha ni Tuhan, hombar tu hatiha na dung ditontuhon.”