HAMALIMON 2:1 - BIBEL JAMITA NA DENGGAN

¹ Muda adong sada halak na giot manghaulkon gandum tu Tuhan i, angkon jolo nigiling do gandum i lamot gabe topung. Dung i diusehon ma tu topung i miak zetun jana di ginjangna nipayakkon hamonyan,

HAMALIMON 2:1 Referans Kwoze

HALUMBAAN 8:3

Ro ma sada surusuruan na asing na maroban pardupaan sere, jongjong di jolo ni meja inganan ni haul i. Madung dilehen tusia bahat sajo hamonyan sibaenon tu angka tangiang ni sudena halak na badia jana sihaulkonon di meja parhaulan na adong ni jolo ni habangsa i.

JESAYA 66:20

Sian angka luat i obanon ni halahi ma mulak angka kahanggimu sabangso songon silua di Au. Obanon ni halahi ma angka jolma i tu dolokKu na Badia di Jerusalem mangalombut kudo, halode dohot unto, dohot na markareta maradu dohot na marpadati; songon na somal halak Israel maroban tu Bagas Ni Tuhan haul gandum di bagasan inganananna na ias.

HAMALIMON 9:17

Dipasahat ia muse ma haul gandum, dibuat ia sanggolom lalu ditutung ia di ginjang ni langgatan i. (Songon tamba-tambana do on tu haul situtungon ganop manyogot.)

JUDAS 1:20

Tapi anggo hamu ale angka dongan, tambori hamu ma ngolumunu mardongan haporsayaan tu Tuhan; ias sun do haporsayaanmunu i. Laing martangiang ma hamu mardongan kuaso ni Tondi Parbadia

1 JOHANNES 2:27

Harana di bagasan dirimunu tinggal do pamiahion na dung nijagitmunu sian Ia. Hara ni i nada porlu hamu ajaran ni halak na asing, tapi songon dia pamiahonNia mangajari hamu taringot tu sudena – jana sintong do pangajaranNia i; nada gabus – jana songon dia Ia mangajari hamu na jolo, songon i muse ma nian hamu maringanan di bagasan Ia.

1 JOHANNES 2:20

Jadi madung dimiahi Na Badia i hamu, gabe sude ma hamu umbotosa.

JOHANNES 6:35

Jadi didok Jesus ma tu halahi, “Au do roti na mangalehen hangoluan; sanga ise na ro tu Au nada malean be ia, jana sanga ise na porsaya tu Au nada manguas be ia.

MALEAKI 1:11

Dipasangap angka bangso na di tano on do Au sudena. Sanga na di dia ditutung halahi do dupa laho pasangapkon Au jana dihaulkon halahi do angka haul na patut tu Au. Olo! sude do halahi pasangapkon Au!”

JOEL 2:14

Betak na muba do tehe roha ni Tuhan Debatamu, jana marlobi-lobi pasupasuNa di hamu. Gabe tarbaen hamu manghaulkon tu Tuhan, haul anggur dohot gandum.

HARURUAR 29:2

Baen ma roti sian topung tarigu na dumenggan, ulang pake ragi. Baen ma deba roti na somal, deba roti na tingko marmiak zetun jana deba nari baen ma roti na nipis na nidaiskon miak saotik.

JOEL 1:9

Ma pola abis gandum dohot anggur sudena nada adong be sihaulkonon di Bagas Ni Tuhan. Gabe marsak ma angka malim, dibaen nada adong be haul di Tuhan.

HAMALIMON 5:11

Tapi muda suada tarlehen halak na marsala i sarongkap unggas hatutu sanga darapati gabe hasesaan ni dosana, angkon obanonnia ma topung dua liter. Nada tola nibaen tu topung i miak zetun sanga hamonyan, dibaen haul hasesaan ni dosa do i, nada haul gandum.

BILANGAN 8:8

Dung i suru muse halahi mambuat sada lombu jantan na poso dohot haul gandum, i ma topung na dung dicampur dohot miak zetun. Dung i ho pe Musa angkon buatonmu sada lombu jantan na asing gabe haul hasesaan ni dosa.

BILANGAN 18:9

Sian angka silehen-lehen na lobi badia na so pola situtungon di langgatan, bagianmu ma i. Haul gandum, haul hasesaan ni dosa dohot haul gonti ni rugi. Barang aha pe na dihaulkon tu Au gabe haul na badia, i ma bagianmu dohot bagian ni angka anakmu.

BILANGAN 28:5

Ganop rap dohot anak ni biri-biri i angkon dilehen muse sakilogram topung dicampur dohot saliter miak zetun na dumenggan.

BILANGAN 29:18

Haulkon ma rap dohot i sude angka haul na asing na porlu tu ari parjolo.

JESAYA 43:23

Nada Hupaksa ho maroban bahat haul, nada Hususai ho marhite na mangido hamonyan. Hape nada dioban ho biri-biri baen haul situtungon, jana nada dihormati ho Au marhite parhaulan.

HAMALIMON 6:7

Angkon pasahaton ni malim ma i gabe haul hara ni dosa ni halakna i, dung i sesaon ni Tuhan i ma dosana.

HAMALIMON 9:4

Dung i na gabe haul haluaan angkon obanon ni halahi sada lombu jantan dohot sada hambeng jantan. Pasahaton ma sudena i tu Tuhan rap dohot haul gandum na nicampur dohot miak. Angkon baenon ni halahi songon i, angke di ari i ma ro Tuhan manopot halahi.”

HAMALIMON 14:10

Di ari pasalapankon angkon obanon ni halahi ma dua anak ni biri-biri jantan, sada anak ni biri-biri boru-boru marumur sataon na so martihas, tolu kilogram topung na dung marcampur dohot miak zetun dohot sapartolu liter miak zetun.

HAMALIMON 24:7

Ganop baris roti i dibaen hamonyan na polin. Hamonyan i ma gonti ni roti, sanga tanda bahaso na dung dilehen roti i tu Tuhan gabe haul sipanganon.

JEHESKIEL 46:20

jana didok ia ma, “Di inganan on ma angkon bolgangon ni angka malim haul hasesaan ni dosa dohot haul panobus ni hasalaan. Dison muse do ditutung haul gandum, anso ulang adong saotik pe sian haul na badia i hona oban tu alaman parruar gabe hamamago tu rayat.”