HAMALIMON 19:5 - BIBEL JAMITA NA DENGGAN

⁵ Muda manyambol pahan-pahanan hamu sipasahatonmunu gabe haul haluaan, angkon ihutkononmunu do angka paraturan na dung Hulehen i, gabe jagitonKu ma haulmunu i.

HAMALIMON 19:5 Referans Kwoze

HAMALIMON 22:29

Muda dilehen hamu haul puji-pujian tu Tuhan, angkon mangihutkon paraturan do dijagit haulmunu i.

HAMALIMON 7:16

Muda adong sahalak na maroban haul haluaan laho patulus baga-bagana, sanga haul na nionjar ni rohana nada pola angkon sude panganon sadari i. Angka na lobi tola do panganon ancogotna i.

HAMALIMON 1:3

Muda giot sombahononnia sada lombu, angkon lombu jantan na so martihas. Dipasahat ma lombu i di pintu Bandar Parmianan Ni Tuhan, anso tumbuk roha ni Tuhan i tu halakna i.

JEHESKIEL 46:12

Muda por roha ni parkuaso i laho mangalehen haul sian rohana sandiri tu Tuhan, sanga na haul situtungon pe i sanga pe haul pardamean, angkon bukaon do horbangan Habincaran na torus tu alaman na di bagasan i tusia. Angkon haulkononnia do i laing sarupa songon pambaenna di Ari Sabat, tapi disi mulak ia, angkon manigor tutupon do horbangan i mangulahi.”

JEHESKIEL 46:2

Anggo di ari-ari na songon i angkon masuk sian alaman parruar i do parkuaso. Taran manghaulkon haul situtungon dohot haul pardamean na sian parkuaso i angka malim, angkon manungkap ia di pintu ni horbangan i marsomba tu Tuhan, dung i kehe ma ia. Lalu tu bornginna i, nada tola tutupon horbangan i.

2 JUJUR TAON 31:2

Diaturkon Raja Hiskia ma mangulahi parbagi ni karejo ni angka malim dohot halak Levi. I ma angka karejo na mardomu tu pangalaho on: Manghaulkon haul situtungon dohot haul pardamean, dohot maribadat di Bagas Ni Debata, jana mamuji lalu mandok tarimakasi tu Tuhan di angka inganan na marragam di Bagas Ni Debata.

HAMALIMON 22:23

Songon haul sian jop ni roha tola do haulkononmunu pahan-pahanan na so satimpal pamatangna tu umurna sanga na so jeges potongonna, tapi anggo manggarar niet, nada sah pahan-pahanan na songon i.

HAMALIMON 22:21

Muda dilehen sada-sada halak tu Tuhan haul haluaan baen panggarar ni nietnia sanga haul sian jop ni roha, nada tola pahan-pahanan na martihas, anso tarjagit.

HARURUAR 24:5

Dung i disuru si Musa ma angka doli-doli jana dipasahat halahi ma haul na nitutung tu Tuhan jana disambol halahi ma angka lombu songon haul pardonganan.

HAMALIMON 19:4

Ulang marbalik hamu sian Au, gabe kehe hamu manyomba gana-ganaan. Ulang baen hamu angka gana-ganaan sian angka logam jana manyomba tusi. Au do Tuhan Debatamu.

HAMALIMON 19:6

Juhut ni pahan-pahanan i angkon panganon di ari i, disi nisambol pahan-pahanan i, sanga ancogotna i. Juhut na lobi di ari patoluhon angkon nitutung sude

HAMALIMON 7:18

Tapi anggo laing dipangan muse dope lobina i, nada dijagit Debata haulna i. Nada gabe pasupasu haul i di halakna i, tapi na haram do i etongon. Sanga ise mangankon haul na haram, angkon manaon hara ni hasalaanna sandiri.