HAMALIMON 19:23 - BIBEL JAMITA NA DENGGAN

²³ Muda masuk hamu tu Kanaan, jana manyuan hayu na marparbatu sanga aha pe i, angkon etongon ni rohamunu do na haram batuna i salolot tolu taon parjolo. Salolot ni i nada tola panganonmunu parbatuna.

HAMALIMON 19:23 Referans Kwoze

BAENON NI ANGKA RASUL 7:51

O hamu na jogal rungkung, bope na marroha dohot na marpinggol songon halak na so mananda Debata! Tongtong do dialo hamu Tondi Parbadia, songon ompumunu i, laing songon i do hamu muse.

JEREMIA 6:10

Tu ise ma lakna mangkobari jana marsaksi anso diparate-atehon halahi? Satutuna, nada marsunat pinggol ni halahi, jadi nada marbinege! Satutuna, gabe incak-incak do hataNia di halahi, jana nada dihagioti halahi!

HAMALIMON 14:34

deba nari angka aturan taringot tu bagas na nilangkotan ni lapuk na rarat i. (Pakeon angka aturan on dung masuk halak Israel tu tano Kanaan, tano na giot silehenon ni Tuhan tu halahi.)

HAMALIMON 12:3

Di ari pasalapankon angkon sunaton ma dakdanak i.

HARURUAR 6:12

Tapi dialusi si Musa ma, “Halak Israel sandiri, nada ra manangihon hatangku, mur ma raja ni Mesir i. Tutu do nada malo au manghobari.”

HARURUAR 6:30

Dialusi si Musa ma, “Diboto Ho do na so malo au manghobari. Mungkin ma he ditangihon raja i hobarku?”

HAMALIMON 19:22

Haulkonon ni malim ma biri-biri i di bagasan upacara mambaen badia anso sesa dosa ni halakna i, gabe ampunan ni Debata ma halakna i.

HAMALIMON 19:24

Di taon paopatkon sude batuna angkon lehenon gabe haul laho patidahon hatarimakasion tu Au, Tuhanmu.

HAMALIMON 23:14

Taran so dioban hamu silehenon i tu Tuhan, ulang pangan hamu saotik pe sian gandum na baru i, bope na mata sanga na nisaok sanga ditutung pe. Aturan on angkon ihutkonon ni sude pomparanmu lopus tu ari parpudi.