HAMALIMON 19:16 - BIBEL JAMITA NA DENGGAN

¹⁶ Ulang sai dokkon barita-barita gabus sanga tu ise pe. Muda marguru di parkaro ni sada-sada halak noma ngoluna sanga hamamatena hatiha ditimbang parkarona i, mangkuling ma ho muda tarbaen hasaksianmi mangurupisa. Au do Tuhan.

HAMALIMON 19:16 Referans Kwoze

HARURUAR 23:1

“Ulang hata-hatahon hamu angka carito gabus jana ulang urupi hamu halak na sala, jadi gabe saksi pargabus hamu.

HARURUAR 23:7

Ulang nibaen-baen hata na so tutu tu halak, jana ulang nidabu uhum mamatehon halak na so marsala, harana hona bura do baenonKu sanga ise na mambaen hajahatan na songon i.

PODA 20:19

Nada tarsimpan na ramos mangecet rahasia; jana dohot halak na mabekbektu indangkon sai mardongan iba.

JEHESKIEL 22:9

Sian tonga-tonga ni halak na mangingani ho adong do deba pajajang-jajang na sai manilakoi halak na asing anso mate hona uhum. Adong muse do na giot mangankon juhut na dung dipelehon tu gana-ganaan. Adong muse dope na sai ra marhamainan.

JEREMIA 9:4

Angkon jamot do halak maradopkon donganna salang dongan saama pe nada haposan, angke songon si Jakob, laing songon i ma halahi marsipaoto-oto kahanggina. Pahae-pahulu ganop be pasarkon hata manilakoi dohot gabus.

JEREMIA 6:28

Pangalaho na jogal rungkung do halahi sude, songon pir ni tumbaga dohot bosi. Jat do pangalaho ni halahi jana na mardalani do halahi pasarsarkon barita na manilakoi halak na asing.

PODA 11:13

Halak siginjang dila nada haposan maniop rahasia; tapi sanga ise na setia, i do na gabe pos ni roha.

1 PETRUS 2:1

Antong, ambungkon hamu ma sian dirimunu sandok na jat; ulang be hamu margabus jana ulang be mangalancap. Ulang mangiburu jana ulang mandok hata na jat hamu taringot tu dongan.

MASMUR 15:3

na so ra manuhasi donganna, nada dibaen ia na jahat tu ale-alena, jana nada pajatkon goar ni hombar bagasna;

HARURUAR 20:16

Ulang gabe saksi pargabus maradopkon dongan.

TITUS 2:3

Songon i muse angka dadaboru na matobang laing apoi halahi anso ias parange ni halahi songon na patut di angka halak na badia. Nada tola pajatjaton ni halahi goar ni halak, jana nada tola diparhatoban anggur. Angkon pangalaho na denggan do ajarkonon ni halahi,

2 TIMOTEUS 3:3

Nada adong be holong marsihaholongan di halahi, nada ra marsisesaan sala, sai ra pabusuk-busukkon goar ni halak, nada bisa mangorom diri, kejam jana nada giot di na denggan.

1 TIMOTEUS 3:11

Dadaboru ni halahi pe angkon halak na denggan roha do, ulang ma halak na ringgas mangkata-hatai hahurangan ni halak na asing. Angkon taroromsa do dirina jana haposan di sude pangalaho.

MATEUS 27:4

Ning ia ma, “Ma mardosa au, manghianat au tu halak na so marsala gabe didabu uhum mamatehon Ia!” Didok halahi ma mangalusi, “Ahana ma i di hami? Urusanmu do i!”

PANGARATAION 27:25

‘Bura ni Debata ma di halak na manjagit sogok laho mamunu sada halak na so marsala.’ Dung i sude ma bangso i mandok: ‘I ma tutu!’

JOB 17:5

Songon pandohan, sanga ise na mangaduhon donganna hara ni hauntungan, anakna sandiri pe manjagit pamalosan.

1 SAMUEL 24:10

Manaili ma si Saul tu pudi jana tungkap ma si Daud mamparsangapi lalu didok ia, “Biasi ditangihon raja i hata-hata ni halak na mandok na giot agoonku raja i?

MASMUR 50:20

Sadihari sajo, matua na pabile kahanggimu do ho, jana pahata-hata donganmu saama-saina.

MASMUR 101:5

Halak na mamurai di na buni, pasidungonku noma i. Halak na sombong dohot siginjang roha nada huhagioti.

PODA 10:18

Halak na manabunihon hosom ni rohana, panipu do i, halak na pasarsarkon late, na bodo do i.