HAMALIMON 18:8 - BIBEL JAMITA NA DENGGAN

⁸ Ulang palayas amangmu marhite na marcampur dohot sada halak sian angka dadaborunia na asing.

HAMALIMON 18:8 Referans Kwoze

1 KORINTUS 5:1

Satutuna madung lalu tu au paboahon na adong deba sian hamu marpangalaho na so ture; adong sian hamu na pardadaboruhon na nialap ni amangna. Hape halak na so mananda Tuhan pe nada ra mambaen na songon i!

HAMALIMON 20:11

Sada halaklahi na marcampur dohot dadaboru ni amangna, gabe parohon tilako tu amangna. Halaklahi bope dadaboru i angkon mate uhumon. Hamamate ni halahi hara ni hasalaan ni halahi sandiri.

PANGARATAION 27:20

‘Bura ni Debata ma di halak na palayas amangna di na marcampur dohot sada sian ripe ni amangna.’ Dung i sude ma bangso i mandok: ‘I ma tutu!’

PANGARATAION 22:30

Sahalak pe nada adong na tola pabilehon amangna marhite na mangangkupi modom sahalak sian dadaboru ni amangna.”

AMOS 2:7

Didege-dege halahi do halak na gale na so margogo, jana dipabali halahi do jolma na pogos. Ama-ama dohot anakna rap mandongani modom sada na poso dadaboru, gabe hodar goarKu na badia i patunda ni i.

PAMUNGKAAN 49:4

Songon aek magodang na marhusasak do ho, tapi nada ho be sipatujoloon. Angke didongani ho modom radingku. Dipahodar ho podoman ni amangmu.

JEHESKIEL 22:10

Adong do na manggoda inangna panggonti lalu dipakesa modom songon dadaboruna, marhamainan dohot dadaboru na ro bulanna,

PAMUNGKAAN 35:22

Di inganan i ma dipodomi si Ruben rading ni amangnia na margoar si Bilha. Tarbege ma i tu si Jakob, gabe muruk situtu ma ia. Dua bolas anak ni si Jakob.

PANGARATAION 23:1

“Angka halaklahi na dung dikasing sanga na digotap dongan magodangna i nada tola gabe anggota ni bangso ni Tuhan.