HAMALIMON 16:4 - BIBEL JAMITA NA DENGGAN

⁴ Dung i dilehen Tuhan muse dope angka paraturan. Taran so masuk si Harun tu Bilik Na Sun Badia i, angkon maridi ia jolo, dung i dipake ia pakean ni malim, i ma baju dohot saraor pendek sian abit linen, bobat dohot saroben.

HAMALIMON 16:4 Referans Kwoze

HARURUAR 30:20

Muda laho masuk halahi tu Bandar Parmianan i, angkon basuon ni halahi ma dohot aek i tangan dohot pat ni halahi, anso ulang mate halahi. Laing songon i muse ma muda giot ro halahi tu langgatan i laho mandalankon ibadat bope laho manutung haul na marapi tu Tuhan,

IBRANI 7:26

Jadi Jesus i do Malim Godang na porlu di hita. Na badia do Ia; nada adong dapot disi hasalaan sanga dosa aha pe. Madung disirang Ia sian angka jolma pardosa jana dipanaek lopus tu inganan na gumincat sian langit.

HAMALIMON 6:10

Dung i angkon pakeonnia do saraor pendek dohot baju juba na nibaen sian abit linen, lalu mambangkit abu na martabo-tabo na lobi sian langgatan jana mamayakkon tu topi ni langgatan i.

IBRANI 10:22

Antong hara ni i, tapadonok ma tu Debata mardongan roha na bulus dohot haporsayaan na tutu tu Debata; bope dohot roha na dung dipaias sian pangkilalaan na sala, bope dohot pamatang na dung nipaias dohot aek na lan.

IBRANI 2:14

Angke anggo angka halak na nidokNia i dakdanakNia, i ma angka mudar dohot sibuk, gabe sarupa ma Jesus sandiri dohot halahi jana mangolu songon pangalaho ni jolma sarupa dohot halahi. Songon i pe pambaenNia, anso ditaluhon Ia do Sibolis i na maniop kuaso ni hamatean i.

PILIPPI 2:7

Tapi ditadingkon Ia do sudena i gabe sarupa tu sada hatoban. Gabe songon jolma Ia, jana ngoluNia pe idaon laing songon jolma do.

LUKAS 1:35

Dialusi surusuruan i ma, “Tondi Parbadia do mangarajai ho jana kuaso ni Debata ma manggohi ho. Hara ni i ma da umbaen nigoaran Dakdanak i na Badia i, Anak Ni Debata.

JESAYA 53:2

Songon tumbur do ia tubu di adopan ni Tuhan, jana songon tunas sian tano na mahiang. Nada adong hajegesonna jana nada adong hasangapanna, na mambaen hita mangaligi tusia: Nada adong tompana, na mambaen hita marpor ni roha.

HAMALIMON 16:24

Dung i angkon maridi ia di sada inganan na badia mamake pakeannia sandiri. Dung i haruar ma ia lalu pasahatkon haul situtungon na gabe hasesaan ni dosania sandiri dohot angka dosa ni bangso Israel.

HARURUAR 40:12

Dung i angkon suruonmu do si Harun dohot angka anaknia ro tu pintu ni Bandar Parmianan jana marpangir ma halahi mangihutkon upacara ugamo.

HARURUAR 29:4

Suruhon ma si Harun dohot angka dakdanaknia i ro tu pintu ni Bandar ParmiananKi jana paias diri ma halahi hombar tu upacara ni ugamo.

HARURUAR 28:2

Baen ma pakean malim di angkangmu si Harun, anso tongam ia idaon jana sangap.

HAMALIMON 16:23

Dung salpu songon i masuk ma si Harun tu bagasan Bandar Parmianan mambuka pakean malim na nipakenia taran so masuk tu Bilik Na Sun Badia i anso ditinggalkon ia pakean i disi.

HAMALIMON 16:32

Malim Godang na dung nitontuhon jana na nipili ni Debata laho manggonti amana angkon patuluskon karejo haiason i. Angkon pakeonnia pakean ni malim,

JEHESKIEL 9:2

Rap ruar ma onom halak sian ruar ni horbangan Utara ni Bagas Ni Tuhan i, marsioban sinjatana be. Rap dohot halahi adong muse halak na marpakean linen na maroban parkokas ni panyurat. Masuk ma halahi jana jongjong di lambung ni langgatan na sian tumbaga i.

JEHESKIEL 44:19

Muda kehe halahi tu alaman parruar, inganan parluhutan ni bangso i, angkon tadingkonon ni angka malim i do pakean dinas ni halahi di bagasan bilik-bilik na badia na di BagasKi, lalu marpakean na asing, anso ulang mangalap hamamago pakean i tu bangso i.