HAMALIMON 16:22 - BIBEL JAMITA NA DENGGAN

²² Obanon ni hambeng i ma dosa ni bangso Israel tu sada luat na gariang na so diingani jolma.

HAMALIMON 16:22 Referans Kwoze

1 PETRUS 2:24

Kristus sandiri do mamorsan angka dosanta i di pamatangNia sandiri di ginjang ni hayu parsilang i, anso tola hita malua sian kuaso ni dosa jana tola hita mangihutkon hagiot ni Debata. Angke bugang ni Kristus i do na paluahon hamu.

IBRANI 9:28

Laing songon i do Kristus i, hum sanoli sajo do Ia nihaulkon songon haul laho manyesa dosa ni bahat halak. Ro dope Ia nian paduanolihon tapi nada mamorsan dosa be; na giot paluahon angka jolma na paintehon haroroNia noma.

JOHANNES 1:29

Ancogotna i diida si Johannes ma ro Jesus mandapotkon ia. Didok si Johannes ma, “Ligi ma! Indi ma ibana Anak Ni Biri-biri Ni Debata na manyesa dosa ni portibi on!

GALATIA 3:13

Madung ditobus Kristus hita sian bura ni Tona i, markite-hite na gabe bura hara ni hita, angke tarsurat do, “Na hona bura do sanga ise na hona gantung di hayu parsilang.”

MIKA 7:19

Maribo ni roha ma Ho mangulahi tu hami jana ampuni ma hami. TaluhononMu do angka dosanami jana ambungkononMu tu tandolan ni laut!

MASMUR 103:12

Songon dao ni Habincaran tu Hasundutan sai ma daona diambungkon Ia dosanta.

MASMUR 103:10

Nada dibaen tu hita hombar tu angka dosanta, jana nada dibaloskon tu hita hombar tu angka hajahatanta.

JEHESKIEL 18:22

Diampuni ma sude dosania i; mangolu ma ia hara ni na mambaen na tigor.

HAMALIMON 16:21

Diampehon ia ma tangannia dua-dua tu ginjang ni ulu ni hambeng i lalu mangoku sude hasalaan, dosa, bope pangalaosion ni bangso Israel. Marhite na songon i, sude hajahatan ni bangso Israel dipayakkon tu ginjang ni ulu ni hambeng i. Dung i adong do sada halak na dung nitontuhon hian mangayak hambeng i tu parhorsihan.

HAMALIMON 16:23

Dung salpu songon i masuk ma si Harun tu bagasan Bandar Parmianan mambuka pakean malim na nipakenia taran so masuk tu Bilik Na Sun Badia i anso ditinggalkon ia pakean i disi.

JEHESKIEL 4:4

Tapi anggo ho, manjorbing tu siambirang do jana payakkon ma hasalaan ni bangso Israel tu ginjangmu, marguru sian lolot ni angka ari parpodommu disi, songon i ma lolotna tanggungonmu hajahaton ni halahi.

HAMALIMON 14:7

Mudar ni unggas i angkon pistikkononkon ni malim i pitu noli tu ginjang ni halak na dung malum i, dung i dohonon ni malim i ma na dung ias halakna i. Dung i unggas na mangolu i paluaon ma songon i.