HAMALIMON 15:10 - BIBEL JAMITA NA DENGGAN

^10-11 Sanga ise na dais sanga mangangkat bagi aha pe sian juguhan ni halak na songon i, sanga dijama ia so jolo dibasu ia tangannia, gabe ramun ma ia lalu tu andospotang. Angkon basuonnia ma pakeannia lalu maridi jana ramun do ia lalu tu andospotang.

HAMALIMON 15:10 Referans Kwoze

JAKOBUS 4:8

Pasolkot hamu ma tu Debata, jana Debata pe padonohonNa ma tu hamu. Hamu dongan na mardosa, paias hamu ma tanganmunu! Hamu na mardua roha, paias hamu ma rohamunu.

MASMUR 26:6

O Tuhan, hubasu tanganku tanda na so marsala au, jana dohot au mardalan manghaliangi langgatanMu,

HAMALIMON 15:5

Sanga ise na dais tu halak na mangharuarkon same i sanga dais tu podomanna sanga juguk di inganan na dung nijuguhan sanga na nitijuran ni halahi, angkon basuonnia pakeanna lalu maridi, ramun ma ia lopus tu andospotang.

HAMALIMON 15:9

Palano sanga karosi na nijuguhan ni halak na mangharuarkon aekna i gabe ramun do.

HAMALIMON 11:24

Gabe hodar do sada halak lopus tu andospotang muda dais ia tu angka binatang on: binatang na martambirik (asing ni na marbola tambirikna jana mangalngei) dohot binatang si opat pat na adong sisilonna panjomak. Sanga ise na maroban bangke ni binatang na songon i, angkon basuonna do pakeanna, tapi laing etongon dope ia na hodar lopus tu kotu magorip.

BILANGAN 19:22

Sanga aha na nijama ni halak na ramun i gabe ramun muse, dohot halak na asing na manjamasa gabe ramun muse lalu tu andospotang.