HAMALIMON 13:40 - BIBEL JAMITA NA DENGGAN

^40-41 Muda adong sada halaklahi na palpalon sabola sian pudi sanga sabola sian jolo di uluna, nada ramun halahi hara ni palpalna i.

HAMALIMON 13:40 Referans Kwoze

GALATIA 4:13

Tontu laing diingot hamu do sanga na bia pangalahongku di na hujamitahon tu hamu Jamita Na Denggan i di mulana. I ma hara ni na marnyae au.

SURAT NI SI PAULUS TU PARLAGUTAN ROM 8:10

Tapi muda dung nipatigor hamu jana mangolu Kristus di bagasan dirimunu, jadi Tondi i ma gabe hangoluanmunu, haru pe angkon mate pamatangmunu hara ni dosa.

SURAT NI SI PAULUS TU PARLAGUTAN ROM 6:19

Mangihutkon hasomalan ni jolma do mangkatai au dohot hamu, anso ummura astuanmunu. Songon na dipasahatmunu na jolo goar-goaran ni pamatangmunu tu na mangoloi hahodaran dohot hajahatan na maroban hamu tu hahodaron, laing songon i saonnari pasahat hamu ma goar-goaran ni pamatangmunu gabe hatoban ni hatigoran, jana anso gabe badia ma hamu.

SURAT NI SI PAULUS TU PARLAGUTAN ROM 6:12

Antong ulang be paloas hamu dosa i mangarajai pamatangmunu na ra mate i, anso ulang dioloi hamu be hagiotna na jahat i.

AMOS 8:10

PaubaonKu ma angka ari pestamunu gabe siluluton, jana angka ende-endemunu gabe andung. BaenonKu ma hamu marcukur obuk dohot mamake abit goni tanda ni arsak. Gabe songon na tobang-tobang na manangisi parmate ni anakna sisada-sada ma hamu. Marujung ma ari i di bagasan arsak na lobi godang.

JESAYA 15:2

Manangkok ma tu dolok halak Dibon laho mangandungi di inganan pamelean ni angka debata. Di bagasan hancit ni roha andungan ni halak na di Moab ma kota Nebo dohot Medeba. Marcukur ulu ma halahi dohot janggut tanda ni na marhabot ni roha.

ENDE NA GODANG 5:11

Limus songon tumbaga rupana i; marombak lomlom songon pangalomlom ni si gawak obukna i.

2 RAJA-RAJA 2:23

Dung i kehe ma si Elisa sian Jeriko tu Betel. Di tonga dalan marroan ma angka dakdanak sian kota mangalayas-layasi tusia, “O palpal, palpal, morot ho sian on!” ning halahi marsurahi.

HAMALIMON 13:39

angkon paresoon ni malim do halakna i. Muda bontar langan do tompa ni tihas i, i ma pano na langkot tusia, dohonon do ias halakna i.