HAMALIMON 12:6 - BIBEL JAMITA NA DENGGAN

⁶ Dung salpu hatiha upacara pangiasonna bope hara ni na manubuhon anak halaklahi sanga dadaboru, angkon obanon ni ina i ma silehen-lehen sipasahaton tu malim di pintu ni Bandar Parmianan Ni Tuhan. Silehen-lehen i, i ma sada anak ni biri-biri na marumur sataon sanga haul situtungon dohot sada darapati sanga hatutu gabe haul hasesaan ni dosa.

HAMALIMON 12:6 Referans Kwoze

LUKAS 2:22

Jadi dung salpu angka ari pangiasan ni halahi, mangihuthon Tona Ni si Musa, dioban halahi ma Dakdanak i tu Jerusalem pasahatkon Ia tu Tuhan.

IBRANI 7:26

Jadi Jesus i do Malim Godang na porlu di hita. Na badia do Ia; nada adong dapot disi hasalaan sanga dosa aha pe. Madung disirang Ia sian angka jolma pardosa jana dipanaek lopus tu inganan na gumincat sian langit.

2 KORINTUS 5:21

Nada mardosa Kristus i, hape gabe dosa do Ia dibaen Debata jana dipaporsankon do tuSia dosanta i, anso tajagit hatigoran ni Debata hara ni hasadaonta dohot Kristus i.

JOHANNES 1:29

Ancogotna i diida si Johannes ma ro Jesus mandapotkon ia. Didok si Johannes ma, “Ligi ma! Indi ma ibana Anak Ni Biri-biri Ni Debata na manyesa dosa ni portibi on!

HAMALIMON 15:29

Di ari pasalapankon angkon obanonnia ma dua darapati sanga hatutu tu malim i di pintu ni Bandar Parmianan Ni Tuhan.

BILANGAN 6:10

Di ari pasalapankon obanonnia ma dua darapati sanga hatutu tu malim di pintu ni Bandar Parmianan Ni Tuhan.

HAMALIMON 15:14

Di ari pasalapankon, obanonnia ma dua unggas darapati sanga unggas hatutu tu pintu ni Bandar Parmianan Ni Tuhan lalu pasahatkon tu malim.

HAMALIMON 14:22

Angkon obanonnia muse do dua darapati sanga hatutu, sada ma i gabe haul hasesaan ni dosa na sada nari gabe haul situtungon.

HAMALIMON 12:2

adop bangso Israel. Muda tubuan dakdanak sada ina, muda halaklahi na sorang i, hodar ma ina i pitu ari honokna dos dohot hatiha marorot pamatangnia.

PAMUNGKAAN 15:9

Ninna Tuhan mangalusi, “Buat ma di Au sada lombu, sada hambeng boru-boru dohot sada hambeng jantan na marumur tolu taon dohot sada balam dohot sada darapati.”

HAMALIMON 12:5

Muda manubuhon dakdanak sada ina, dakdanak na sorang i dadaboru, gabe hodar ma ina i opat bolas ari honokna dos dohot hatiha marorot pamatangnia. Lolot ni onom pulu onom ari hodar do ina i, angke hahurangan mudar ia. Dung i pe anso nietong ia ias.

HAMALIMON 12:7

Angkon pasahaton ni malim i ma tu Tuhan jana patuluskon sada hatiha laho manyesa haramunan ni ina i, anso ias ia di bagasan ugamo. I ma angkon karejohonon ni ina na baru manubuhon dakdanak.